ءبىر جىلدا كۇنباعىس مايى قانشا پايىز قىمباتتاعانى بەلگىلى بولدى
24 ماۋسىم 12:40

ءبىر جىلدا كۇنباعىس مايى قانشا پايىز قىمباتتاعانى بەلگىلى بولدى

نۇر-سۇلتان. قازاقپارات - قازاقستان كۇنباعىس مايىن ەكسپورتتاۋشى ەل بولعانىنا قاراماستان، ونىڭ باعاسى ءبىر جىلدا 20 پايىز قىمباتتاعان.

بۇل جايىندا قازاقپارات Energyprom.kz سايتىنا سىلتەمە جاساپ حابارلايدى. سايتتاعى مالىمەت بويىنشا، 2022 -جىلدىڭ قاڭتار- مامار ارالىعىندا 197,3 مىڭ توننا كۇنباعىس مايى وندىرىلگەن. بۇل بىلتىرعىدان 29,6 پايىز كوپ. ال تازارتىلماعان كۇنباعىس مايىنى ءوندىرىسى ءبىر جىل بۇرىنعى كورسەتكىشتەن 61,3 پايىز ارتىق بولعان. ال تازارتىلعان ءونىمنىڭ ءوندىرىسى بىلتىرعىدان 6,9 پايىز از.

«تازارتىلماستان ساتىلاتىن كۇنباعىس مايىنىڭ 78 پايىزىن شىعىس قازاقستان ءوڭىرى بەرىپ تۇر. ال تازارتىلعان كۇنباعىس مايىنىڭ 78 پايىزىن شىعىس قازاقستان وبلىسى (28,7 مىڭ توننا) مەن شىمكەنت قالاسى (22,6 مىڭ توننا) بەرگەن. اۋىل شارۋاشىلىعى مينيسترلىگى قازاقستان اۋماعىنان كۇنباعىس مايىن الىپ شىعۋعا 31-تامىزعا دەيىن شەكتەۋ قويدى. سول ارقىلى سەكتورداعى باعانى تۇراقتاندىرىپ، تاپشىلىقتىڭ الدىن الماقشى. ماۋسىم- شىلدە ايلارىندا كۇنباعىس مايىن شىعارۋ كۆوتاسى 68 مىڭ توننا بولىپ بەكىتىلدى»، - دەپ جازادى Energyprom.kz .

وتاندىق وندىرۋشىلەر 2022 -جىلدىڭ اقپان- ءساۋىر ايلارىندا كۇنباعىسقا دەگەن سۇرانىستى 83,5 پايىز ورىنداعان. ءوندىرىس كولەمى بىلتىرعىدان 16,9 پايىز ارتىق. وندىرىلگەن 149,1 مىڭ توننا مايدىڭ 66,3 مىڭ تونناسى سىرتقا ساتىلعان. بۇل بىلتىرعىدان 71,3 پايىز كوپ. ال ىشكى نارىقتا كۇنباعىس مايىنىڭ ساتىلىمى 0,6 پايىز عانا ارتقان.

ايتا كەتۋ كەرەك، مەملەكەتتىك كىرىستەر كوميتەتى اۋىل شارۋاشىلىعى ءمينيسترىنىڭ 17 ماۋسىمداعى بۇيرىعىمەن ەل اۋماعىنان كۇنباعىس مايىن اكەتۋگە ساندىق شەكتەۋلەر ەنگىزىلگەنىن مالىمدەگەن بولاتىن.

جاڭالىقتار