وتانعا ورالعان قانداستار جاڭا وبلىستارعا قونىستانۋى مۇمكىن
23 ماۋسىم 15:22

وتانعا ورالعان قانداستار جاڭا وبلىستارعا قونىستانۋى مۇمكىن

نۇر- سۇلتان. قازاقپارات - ەلگە ورالعان قانداستار ەندى جاڭا وبلىستارعا قونىستانۋى مۇمكىن. ەڭبەك جانە حالىقتى الەۋمەتتىك قورعاۋ مينيسترلىگى قانداستاردى اباي جانە ۇلىتاۋ وبلىستارىنا قونىستاندىرۋ بويىنشا قاۋلىنى اشىق تالقىعا شىعارى، دەپ حابارلايدى قازاقپارات ءتىلشىسى.

«قاۋلىنىڭ ماقساتى - قانداستار مەن قونىس اۋدارۋشىلاردى قونىستاندىراتىن وڭىرلەر قاتارىنا جاڭا قۇرىلعان اباي جانە ۇلىتاۋ وبلىستارىن قوسۋ. قۇجات قابىلدانسا، بۇل ءۇردىس مەملەكەتتىڭ دەموگرافيالىق جاعدايىنا وڭ اسەر ەتەدى»، - دەلىنگەن قۇجاتتا.

جاۋاپتى مينيسترلىك مالىمەتىنە سايكەس، بۇگىندە وتانعا ورالعان قانداستار ەلىمىزدىڭ 7 وبلىسىنا قونىستانادى. ال ۇسىنىلىپ وتىرعان قاۋلىدا بۇل تىزىمنەن اتىراۋ وبلىسى الىنىپ تاستالادى. ونىڭ ورنىنا ەكى جاڭا وبلىس قوسىلىپ، جالپى سانى 8 ءوڭىر قانداستاردى قابىلدايدى.

اۆتور: ءاليحان اسقار


جاڭالىقتار