اقجارقىن تۇرلىبايدىڭ سوتتالۋىنا كىنالى دەگەن نيگەريالىق قازاقستانعا ەكستراديتسيالانۋى مۇمكىن

نۇر- سۇلتان. قازاقپارات - اقجارقىن تۇرلىبايدىڭ ەسىرتكى تاسىمالداۋىنا كىنالى نيگەريالىق قازاقستانعا ەكستراديتسيالانۋى مۇمكىن.

بۇل تۋرالى ق ر ىشكى ىستەر مينيسترلىگىنەن ءمالىم ەتتى دەپ حابارلايدى قازاقپارات ءتىلشىسى.

«وسى جىلعى 20- ماۋسىمدا نيگەريادا ينتەرپولدىڭ قازاقستان رەسپۋبليكاسى ءى ءى م- دەگى ۇلتتىق ورتالىق بيۋروسىنىڭ سۇراۋى بويىنشا ق ر ق ك 259-بابىنىڭ 2-بولىگىندە كوزدەلگەن قىلمىس (ەسىرتكى قۇرالدارىن نەمەسە پسيحوتروپتىق زاتتاردى زاڭسىز دايىنداۋ، قايتا وڭدەۋ، ساتىپ الۋ، ساقتاۋ، تاسىمالداۋ، جونەلتۋ نەمەسە وتكىزۋ) جاساعانى ءۇشىن حالىقارالىق ىزدەۋدە جۇرگەن اديندو نونسو فورتۋنە ۇستالدى. قازىرگى ۋاقىتتا ونى قاماۋدا ۇستاۋ جانە قازاقستانعا ودان ءارى ەكستراديتسيالاۋ تۋرالى ودان ءارى پروتسەسسۋالدىق شەشىم قابىلداۋ ماقساتىندا قاجەتتى ماتەريالدار ينتەرپولدىڭ نيگەريا ۇ و ب- نا جولداندى»، - دەپ اتاپ وتەدى ۆەدومستۆودان.

بۇعان دەيىن اقجارقىن تۇرلىبايدىڭ ادۆوكاتى سۇڭقار نۇرماعامبەت قورعاۋىنداعى قازاقستاندىقتىڭ قىتايعا ساپارىن ۇيىمداستىردى دەپ كۇدىككە ىلىنگەن نيگەريالىقتىڭ ۇستالعانىن حابارلاعان ەدى. قىتاي تارابى اقجارقىن تۇرلىبايدى قازاقستانعا ەكستراديتسيالاۋدان باس تارتىپ وتىر.

اۆتور: مارلان جيەمباي