ق ر ۇكىمەتى ميلليوننان استام قازاقستاندىقتىڭ تابىسىن كوتەرۋگە كۇش سالماق

None
None
نۇر-سۇلتان. قازاقپارات - قازاقستاندا جۇمىسشىلاردى باسقا ورىندارعا اۋىستىرۋ ارقىلى ەڭبەك ونىمدىلىگىن ارتتىرۋعا مۇمكىندىك بار.

بۇل تۋرالى ق ر پرەمەر- ءمينيسترى ءاليحان سمايىلوۆ ءماجىلىس دەپۋتاتتارىنىڭ ساۋالىنا بەرگەن جاۋابىندا ايتىلعان، دەپ حابارلايدى قازاقپارات ءتىلشىسى.

«ەكونوميكانى ونىمدىلىگى جوعارى سەكتورلارعا باعىتتاپ باپتاۋ تەتىكتەرى ستراتەگيالىق جوسپارلاۋ قۇجاتتارىندا كورىنىس تاپقان. ويتكەنى ەكونوميكانىڭ ساپالى دامۋى ەڭبەك ونىمدىلىگىنىڭ ارتۋىنا تىكەلەي بايلانىستى»، - دەپ جازادى ۇكىمەت باسشىسى دەپۋتتارعا بەرگەن جاۋابىندا.

ونىڭ سوزىنە قاراعاندا، قازاقستاننىڭ 2025 -جىلعا دەيىنگى ۇلتتىق دامۋ جوسپارىندا دامۋدىڭ جاڭا مودەلى ەڭبەك ونىمدىلىگىن ارتتىرۋ شارالارىن دا قامتيتىنى ايتىلعان. وسى باعىتتى ىسكە اسىرۋ ءۇشىن 10 ۇلتتىق جوبا ازىرلەنگەن.

«اگروونەركاسىپ كەشەنىن دامىتۋدىڭ 2021-2025 -جىلدارعا ارنالعان ۇلتتىق جوباسى ىسكە اسىرىلىپ جاتىر. سونىڭ اياسىندا اۋىل شارۋاشالىعىندا ەڭبەك ونىمدىلىگى ءبىر ادامعا شاققاندا 6,2 ميلليون تەڭگە بولىپ، ەكسپورت كولەمى 6,6 ميلليارد دوللارعا دەيىن ارتادى. ونىڭ ىشىندە قايتا وڭدەلگەن ءونىمنىڭ ۇلەسى %70 بولىپ، 2025 -جىلعا قاراي اۋىل شارۋاشىلىعى قىزمەتكەرلەرىنىڭ ايلىعى 2 ەسە وسەدى. بۇل 1 ميلليون ادامنىڭ تابىسىنىڭ وسۋىنە مۇمكىندىك بەرەدى»، - دەلىنگەن پرەمەر-ءمينيستردىڭ جاۋابىندا.

Finprom.kz سايتىنىڭ مالىمەتى بويىنشا، قازاقستان وتباسىلارى تابىستارىنىڭ 50 پايىزىن ازىق- تۇلىككە، ونىڭ ىشىندە 46 پايىزىن تاماق ساتىپ الۋعا جۇمسايدى.

اۆتور: ەسىمجان ناقتىباي


سوڭعى جاڭالىقتار