جەتىسۋ جانە الماتى وبلىسى كاسىپكەرلەر پالاتاسىنىڭ ديرەكتورلارى تاعايىندالدى
مەريتوكراتيا قاعيداتى بويىنشا جەتىسۋ وبلىسى وكىلدىگىنىڭ ديرەكتورى بولىپ الماتى وبلىسى وڭىرلىك كاسىپكەرلەر پالاتاسىنىڭ بۇرىنعى باسشىسى داۋرەن وڭالبايەۆ، الماتى وبلىسى وكىلدىگىنىڭ باسشىسى قىزمەتىنە ۇلتتىق كاسىپكەرلىك پالاتاسى اگروونەركاسىپ كەشەن دەپارتامەنتى ديرەكتورىنىڭ ورىنباسارى قۋاندىق چۋنكۋنوۆ تاعايىندالدى.
«اتامەكەن» ق ر ۇ ك پ ءتورالقا ءتوراعاسى رايىمبەك باتالوۆتىڭ تالدىقورعان قالاسىنداعى الماتى وبلىسى وڭىرلىك كەڭەسىنىڭ مۇشەلەرىمەن كەزدەسۋى بارىسىندا كانديداتۋرالار قارالىپ، ءبىراۋىزدان قولداۋ تاپتى.
«ەكى ۇمىتكەر دە وتە تاجىريبەلى، جاۋاپتى لاۋازىمعا لايىق. ءبىز داۋرەن وڭالبايەۆتىڭ جۇمىس ناتيجەسىمەن تانىسپىز، وڭىرلىك پالاتانى باسقاردى. قۋاندىق چۋنكۋنوۆتىڭ اۋىل شارۋاشىلىعى سالاسىندا مول تاجىريبەسى بار ەكەنى قۋانتادى. ءتورالقا ءتوراعاسى تاراپىنان جاقسى ۇسىنىم ايتىلدى. ويتكەنى، جاڭادان قۇرىلعان الماتى وبلىسىندا اگروونەركاسىپتىك كەشەندى دە دامىتۋ قاجەت. الماتى اينالاسىنداعى ازىق- تۇلىك بەلدەۋىن قامتاماسىز ەتۋ مىندەتى تۇر»، - دەدى وڭىرلىك كەڭەس مۇشەسى باقىت اتايبەكوۆ.
ەسكە سالايىق، 2022 -جىلدىڭ 8-ماۋسىمىندا ق ر پرەزيدەنتىنىڭ «قازاقستان رەسپۋبليكاسىنىڭ اكىمشىلىك- اۋماقتىق قۇرىلىسىنىڭ كەيبىر ماسەلەلەرى تۋرالى» جارلىعى كۇشىنە ەندى. ناتيجەسىندە جاڭادان قۇرىلعان وڭىرلەردە كاسىپكەرلەر پالاتاسى اشىلىپ جاتىر. جاڭا وڭىرلىك پالاتالاردى قۇرۋ سەزدىڭ ايرىقشا قۇزىرەتى بولعاندىقتان ونى وتكىزگەنگە دەيىن قونايەۆ قالاسىندا ۇ ك پ وكىلدىگى جۇمىس ىستەيدى.
«بۇل ماسەلەنى زاڭگەرلەرمەن جانە ادىلەت مينيسترلىگىمەن بىرگە تالقىلادىق. كاسىپكەرلەر پالاتاسىنىڭ قىزمەتىن ۇزبەۋ ءۇشىن الماتى وبلىسىنىڭ وڭىرلىك پالاتاسىن جەتىسۋ وبلىسى دەپ وزگەرتۋ جانە الماتى وبلىسىنىڭ قونايەۆ قالاسىندا ۇ ك پ وكىلدىگىن قۇرۋ تۋرالى شەشىم قابىلداندى. بۇگىن وبلىس اكىمدەرىمەن كەزدەسۋدە وسى ماسەلەلەر بويىنشا مىندەتتەردى ايقىندايمىز»، - دەدى «اتامەكەن» ق ر ۇ ك پ باسقارما ءتوراعاسىنىڭ ءبىرىنشى ورىنباسارى ماقسات قيقىموۆ.