ۇلتتىق قوردان الىناتىن قاراجات مۇنايدان تۇسەتىن قور كىرىسىنەن اسپايدى - جاڭا ءتارتىپ

None
None
نۇر- سۇلتان. قازاقپارات - ۇلتتىق قورعا تۇسكەن تىكەلەي سالىق تۇسىمدەرىنىڭ كولەمى 1,8 ەسەگە ۇلعايدى.

بۇل تۋرالى پارلامەنت پالاتالارىنىڭ بىرلەسكەن وتىرىسىندا 2021 -جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتى قاراۋ كەزىندە پرەمەر- ءمينيستردىڭ ورىنباسارى- قارجى ءمينيسترى ەرۇلان جاماۋبايەۆ ءمالىم ەتتى، دەپ حابارلايدى قازاقپارات ءتىلشىسى.

«ەسەپ كوميتەتى ۇلتتىق قوردان بەرىلەتىن نىسانالى ترانسفەرت سوماسىنىڭ ۇلعايعانىن ايتقان بولاتىن. اسىرەسە، قازىرگى شىعىندى وتەۋگە ەرەكشە نازار اۋدارعان. دەگەنمەن، ترانسفەرتتەردىڭ ءوسۋى الەۋمەتتىك مىندەتتەمەلەردى، داعدارىسقا قارسى شارالاردى، مەملەكەتتىك باعدارلامالاردى قارجىلاندىرۋ جانە پاندەميا جاعدايىندا ەكونوميكاداعى ىسكەرلىك بەلسەندىلىكتى قولداۋ قاجەتتىلىگىمەن بايلانىستى بولدى. ءوز كەزەگىندە، 2020 -جىلمەن سالىستىرعاندا وتكەن جىلى مۇناي سەكتورىنان ۇلتتىق قورعا تۇسكەن تىكەلەي سالىق تۇسىمدەرىنىڭ كولەمى 1,8 ەسەگە ۇلعايعانىن اتاپ وتكىم كەلەدى»، - دەدى ە. جاماۋبايەۆ.

ونىڭ ايتۋىنشا، بيىلدان باستاپ كەپىلدەندىرىلگەن ترانسفەرتتىڭ مولشەرىن ايقىنداۋدا كونترتسيكلدىك بيۋدجەت قاعيدالارى ەسكەرىلەدى.

«جاڭا تاسىلدەرگە سايكەس ۇلتتىق قوردان بيۋدجەتكە الىناتىن قاراجات مۇناي سەكتورىنان تۇسەتىن قور كىرىستەرىنەن اسپايتىن بولادى. سونداي- اق بيۋدجەتتىڭ شىعىستارىنا دا شەكتەۋ قابىلداندى. بۇل قوردىڭ جيناقتاۋ فۋنكتسياسىن كۇشەيتە وتىرىپ، اكتيۆتەردى كوبىرەك جيناۋعا مۇمكىندىك بەرەدى»، - دەدى ۇكىمەت باسشىسىنىڭ ورىنباسارى.

بىلتىر الەۋمەتتىك جانە باسقا دا مىندەتتەمەلەر تولىق كولەمدە ورىندالدى.

«ۇكىمەتتىڭ ەسەبى پارلامەنت ءماجىلىسى مەن سەناتىندا ەگجەي- تەگجەيلى تالقىلاندى. ونى قاراۋ كەزىندە ەكونوميكانىڭ بارلىق باعىتتارى بويىنشا جۇزدەگەن سۇراقتار مەن ۇسىنىستار بەرىلدى. ولار جۇمىس توپتارى مەن كوميتەتتەردە دە تالقىلاندى. دەپۋتاتتاردىڭ ۇسىنىمدارى ۇكىمەت جۇمىسىندا ەسكەرىلەتىن بولادى. 2021 -جىلى جالپى ىشكى ءونىمنىڭ ءوسىمى 4 پايىزدى قۇرادى. ەكونوميكانىڭ بارلىق نەگىزگى سالالارىندا وڭ ناتيجە بولدى. ماسەلەن، ونەركاسىپتىك ءوندىرىس كولەمى 3,8 پايىزعا، قۇرىلىس سالاسى 7,6 پايىزعا، كولىك 3,6 پايىزعا، ساۋدا 9,2 پايىزعا ءوستى. نەگىزگى كاپيتالعا سالىنعان ينۆەستيتسيالار كولەمى 3,5 پايىزعا ۇلعايدى»، - دەدى ە. جاماۋبايەۆ.

سونىمەن قاتار ول بىلتىر ينفلياتسيا 8,4 پايىزدى قۇراعانىن ەسكە سالدى. جۇمىسسىزدىق %4,9 دەڭگەيىندە ساقتالدى.

اۆتور: رۋسلان عابباسوۆ

سوڭعى جاڭالىقتار