ەڭبەك مينيسترلىگى ايەلدەردىڭ زەينەتكە شىعۋ جاسىن تومەندەتۋگە قاتىستى ۇسىنىس دايارلادى

نۇر-سۇلتان. قازاقپارات - ايەلدەردىڭ زەينەتكە شىعۋ جاسىن تومەندەتۋ ۇسىنىسى بويىنشا مينيسترلىك دەڭگەيىندە تالقىلاۋ بولدى.

ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا زەينەت جاسىن تومەندەتۋ تۋرالى سۇراقتارعا جاۋاپ بەردى، دەپ حابارلايدى قازاقپارات ءتىلشىسى.

«ەگەر جىل بويىنشا الىپ قاراساق، زەينەتكە 100 مىڭعا جۋىق ادام شىعادى. ال ەڭبەككە قابىلەتتى جاسقا تولعاندار مەن ەڭبەك نارىعىنا شىعاتىن جاستاردىڭ سانى 300 مىڭنان اسادى. سوندىقتان بۇل دەرەكتەردى سالىستىرۋ دۇرىس بولماس»، - دەپ توقتالدى ت. دۇيسەنوۆا.

سونىمەن قاتار ول ايەلدەردىڭ زەينەتكە شىعۋ جاسىن تومەندەتۋ ۇسىنىسى بويىنشا مينيسترلىك دەڭگەيىندە ءتيىستى ماسەلەلەر قارالعانىن جەتكىزدى.

«ءبىزدىڭ ۇسىنىستاردى قارجى سالاسىنىڭ بلوگى قاراستىرىپ جاتىر. وسى ورايدا ءبىز ءبىر كەلىسىمگە كەلسەك، ونى جاريالايمىز. الەۋمەتتىك سالاداعى كەز كەلگەن باستاما قارجى سالاسىنا قاتىستى ەكەنىن ءتۇسىنۋ كەرەك. زەينەتكە شىعۋ جاسىن كوتەرۋ نەمەسە تومەندەتۋ ماسەلەلەرى قارجى مۇمكىندىگىنە قاراي قارالادى»، - دەدى ۆەدومستۆو باسشىسى.

«ءبىز زەينەتكە شىققاندا، لايىقتى زەينەتاقى الۋىمىز كەرەك. ال ەڭبەك ءوتىلى مەن جيناق سوماسى از بولسا، ءبىز جوعارى زەينەتاقى تولەمىن الامىز با؟ ەگەر الەمدەگى تاجىريبەگە قاراساق، تاجىريبەسى بار ادامدار بەلسەندى بولۋى ءۇشىن الەۋمەتتىك قىزمەتتەرگە تارتىلادى. سوندىقتان بۇل ادامداردى زەينەتكە شىعارىپ، ولاردىڭ قىزمەتىن وسىمەن اياقتاي سالۋعا بولمايدى»، - دەدى مينيستر.

ونىڭ سوزىنە قاراعاندا، قازاقستاندا ورتاشا زەينەتاقى 105 مىڭ تەڭگە شاماسىندا. زەينەتكەرلەردىڭ 20-25 پايىزى 150 مىڭ تەڭگەدەن ارتىق الادى. بۇدان بۇرىن حابارلانعانداي، جاقىندا سەناتور دانا نۇرجىگىت ايەلدەردىڭ زەينەتكە شىعۋ جاسىن 58 جاسقا دەيىن تومەندەتۋدى ۇسىندى.

اۆتور: رۋسلان عابباسوۆ