عىلىمدى قايتا دارىپتەپ، عالىمداردىڭ مارتەبەسىن كوتەرۋىمىز كەرەك – مينيستر
14 ماۋسىم 17:13

عىلىمدى قايتا دارىپتەپ، عالىمداردىڭ مارتەبەسىن كوتەرۋىمىز كەرەك – مينيستر

نۇر-سۇلتان. قازاقپارات – ق ر عىلىم جانە جوعارى ءبىلىم ءمينيسترى ساياسات نۇربەك قازاقستان عىلىمىن تانىمال ەتۋ قاجەتتىگىن ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، جاڭا مينيسترلىكتىڭ باستى باعىتتارىنىڭ ءبىرى - عىلىمدى دارىپتەۋ.

«قازىر عىلىمدى قايتادان تانىمال، قىزىقتى ەتۋ، عىلىمي مانساپتان ۇلكەن مانساپتىق ترامپلين جاساۋ وتە ماڭىزدى. بۇكىل Marvel فيلمدەرىن قاراساڭىزدار: بريۋس بەننەر - حالك - عالىم، توني ستارك - عالىم. بارلىق كەيىپكەرلەر - عالىمدار. يننوۆاتور رەتىندە، الەمدى جانە ەلىمىزدى العا جىلجىتىپ، جاقسارتاتىن ادام رەتىندە عالىم مارتەبەسىن قايتارۋىمىز كەرەك»، - دەدى ساياسات نۇربەك ۇكىمەت وتىرىسىنان كەيىن جۋرناليستەرگە.

ءوز سوزىندە عىلىم ءمينيسترى وقۋ-اعارتۋ ءمينيسترى اسحات ايماعامبەتوۆتىڭ مۇعالىم مارتەبەسىن قايتارعانىن ەسكە سالدى.

«ءدال وسىلاي عالىمنىڭ مارتەبەسىنە دە نازار اۋدارتقىمىز كەلەدى. عالىم - بولاشاعى زور مانساپ. عالىمدار راسىندا دا الەمدى وزگەرتەدى. جانە ەڭ باستىسى، عالىمدار قولدانبالى فورماتتا ەكونوميكالىق جانە الەۋمەتتىك دامۋعا، ج ءى ءو- ءنىڭ وسۋىنە جانە باسقا فاكتورلارعا اسەر ەتەدى. ياعني، عىلىم الەۋمەتتىك-ەكونوميكالىق دامۋدىڭ سەرىكتەسى جانە كومەكشىسى رەتىندە دە ماڭىزدى»، - دەدى ساياسات نۇربەك.

بۇعان دەيىن جاڭا مينيستر ۇلتتىق عىلىم اكادەمياسىنىڭ مارتەبەسى قايتارىلاتىنىن ايتقان ەدى.

جاڭالىقتار