07:40, 14 - ماۋسىم 2022 | GMT +6
قىزىلوردادا باس يمامعا كەدەرگى جاساعان ءدىننىڭ وزگە اعىمىن ۇستانۋشىسى جازالاندى
قىزىلوردا. قازاقپارات - قىزىلوردا وبلىسىندا مەشىتتە باس يمامعا كەدەرگى جاساعان دەسترۋكتيۆتى ءدىني اعىم ۇستانۋشىسىنا ايىپپۇل سالىندى، دەپ حابارلايدى قازاقپارات ءتىلشىسى.
قىزىلوردا قالاسىندا دەسترۋكتيۆتى ءدىني اعىمىن ۇستاناتىن 35 جاستاعى تۇرعىن مەشىتتەردىڭ بىرىندە باس يمامنىڭ ەسكەرتۋىنە قاراماستان وعان كەدەرگى جاساعان. پوليتسيا قىزمەتكەرلەرى وسىنداي كەلەڭسىزدىككە جول بەرگەن 35 جاستاعى ازاماتتتى انىقتادى.
«وعان قاتىستى ق ر اكىمشىلىك قۇقىق بۇزۋشىلىق تۋرالى كودەكسىنىڭ 490-بابىنىڭ 8-بولىگىندە كوزدەلگەن قۇقىق بۇزۋشىلىق جاساعانى ءۇشىن اكىمشىلىك ءىس قوزعالعان. وندا ءدىني قىزمەت جانە ءدىني بىرلەستىكتەر تۋرالى زاڭناماسىن بۇزۋ جاعدايى كورسەتىلگەن. سوت قاۋلىسىمەن دەسترۋكتيۆتى ءدىني اعىم ۇستانۋشىسىنا اكىمشىلىك ايىپپۇل سالىندى»، - دەپ ءمالىم ەتتى وبلىستىق پوليتسيا دەپارتامەنتىنەن.