استانادا اۆتوكولىك توناۋشى ۇستالدى
تۇنگى ۋاقىتتا اقان سەرى كوشەسىندەگى ۇيلەردىڭ اۋلاسىندا جۇرگەن كۇدىكتى كولىكتەردىڭ تۇتقالارىن تارتىپ، ەسىگى اشىق قالعان اۆتونى ىزدەگەن. بەينەباقىلاۋ كامەرالارى ەر ادامنىڭ «ۆاز 2114» اۆتوكولىگىنىڭ سالونىندا ۇرلىق جاساعانىن تىركەگەن.
ول اۆتوكولىككە اشىق قالعان جۇك سالعىشى ارقىلى كىرىپ، «كسيومي» ۇيالى تەلەفونىن ۇرلاپ كەتكەن.
جەدەل-ىزدەستىرۋ ءىس-شارالارى بارىسىندا سارىارقا اۋداندىق پ ب جەدەل ۋاكىلدەرى ۇرىنى ۇستادى. قولدى بولعان تەلەفون تاركىلەندى.
اتالعان فاكتى بويىنشا بۇرىن توناۋ ءۇشىن سوتتالعان كۇدىكتىگە قاتىستى ق ر ق ك 188-بابىنىڭ 3-بولىگىمەن سوتقا دەيىنگى تەرگەۋ جۇرگىزىلىپ جاتىر.
ونىڭ ەلوردا اۋماعىندا بۇرىن جاسالعان وسىعان ۇقساس قىلمىستارعا قاتىسى بار-جوعى انىقتالادى.
نۇر-سۇلتان قالاسىنىڭ پوليتسيا دەپارتامەنتى كولىك قۇرالدارىنىڭ يەلەرىنە ۇرى-قارىدان ساقتانۋ امالدارىن قابىلداۋعا كەڭەس بەرەدى.