ق ر ءبىلىم جانە عىلىم مينيسترلىگى ەكىگە ءبولىندى
11 ماۋسىم 15:15

ق ر ءبىلىم جانە عىلىم مينيسترلىگى ەكىگە ءبولىندى

نۇر-سۇلتان. قازاقپارات – ق ر ءبىلىم جانە عىلىم مينيسترلىگى ەكىگە ءبولىنىپ، ق ر وقۋ-اعارتۋ مينيسترلىگى جانە ق ر عىلىم جانە جوعارى ءبىلىم مينيسترلىگى قۇرىلدى.

ءتيىستى جارلىققا مەملەكەت باسشىسى قول قويدى. قازاقپارات قۇجات ءماتىنىن وقىرمان نازارىنا ۇسىنادى.

***

قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ءارى جەتىلدىرۋ جونىندەگى شارالار تۋرالى

قازاقستان رەسپۋبليكاسى كونستيتۋتسياسىنىڭ 44-بابىنىڭ 3) تارماقشاسىنا سايكەس مەملەكەتتىك باسقارۋ جۇيەسىن جاڭعىرتۋ جانە تيىمدىلىگىن ارتتىرۋ ماقساتىندا قاۋلى ەتەمىن:

1. قازاقستان رەسپۋبليكاسىنىڭ ءبىلىم جانە عىلىم مينيسترلىگى:

قازاقستان رەسپۋبليكاسى ءبىلىم جانە عىلىم مينيسترلىگىنىڭ مەكتەپكە دەيىنگى، ورتا، تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ، قوسىمشا ءبىلىم بەرۋ، بالالاردىڭ قۇقىقتارىن قورعاۋ، مەكتەپكە دەيىنگى، ورتا، تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ سالاسىنداعى ساپانى قامتاماسىز ەتۋ، مەكتەپكە دەيىنگى، ورتا، تەحنيكالىق جانە كاسىپتىك ءبىلىم بەرۋدى تسيفرلاندىرۋ سالاسىنداعى فۋنكتسيالارى مەن وكىلەتتىكتەرى بەرىلە وتىرىپ، قازاقستان رەسپۋبليكاسىنىڭ وقۋ-اعارتۋ مينيسترلىگىنە؛

قازاقستان رەسپۋبليكاسى ءبىلىم جانە عىلىم مينيسترلىگىنىڭ جوعارى جانە جوعارى وقۋ ورنىنان كەيىنگى ءبىلىم بەرۋ، ءتىل ساياساتى، عىلىم، جوعارى جانە جوعارى وقۋ ورنىنان كەيىنگى ءبىلىم بەرۋ مەن عىلىم سالاسىنداعى ساپانى قامتاماسىز ەتۋ، جوعارى جانە جوعارى وقۋ ورنىنان كەيىنگى ءبىلىم بەرۋدى سيفرلاندىرۋ سالاسىنداعى فۋنكتسيالارى مەن وكىلەتتىكتەرى بەرىلە وتىرىپ، قازاقستان رەسپۋبليكاسىنىڭ عىلىم جانە جوعارى ءبىلىم مينيسترلىگىنە ءبولۋ ارقىلى قايتا ۇيىمداستىرىلسىن.

2. مەملەكەتتىك ورگاندار بەرىلەتىن فۋنكتسيالار مەن وكىلەتتىكتەرگە سايكەس قايتا ۇيىمداستىرىلاتىن مەملەكەتتىك ورگاننىڭ قۇقىقتارى مەن مىندەتتەمەلەرىنىڭ قۇقىقتىق ميراسقورلارى بولىپ بەلگىلەنسىن.

3. قازاقستان رەسپۋبليكاسىنىڭ ۇكىمەتى:

1) قايتا ۇيىمداستىرىلاتىن مەملەكەتتىك ورگاننىڭ شتات سانىن قازاقستان رەسپۋبليكاسى پرەزيدەنتىنىڭ اكىمشىلىگىمەن كەلىسىم بويىنشا قايتا ءبولۋدى؛

2) وسى جارلىقتى ىسكە اسىرۋ جونىندە وزگە دە شارالار قابىلداۋدى قامتاماسىز ەتسىن.

4. «قازاقستان رەسپۋبليكاسى ۇكىمەتىنىڭ قۇرىلىمى تۋرالى» قازاقستان رەسپۋبليكاسى پرەزيدەنتىنىڭ 1999-جىلعى 22- قاڭتارداعى 6№ جارلىعىنا مىناداي وزگەرىس پەن تولىقتىرۋلار ەنگىزىلسىن:

1-تارماق مىناداي مازمۇنداعى جولدارمەن تولىقتىرىلسىن:

«قازاقستان رەسپۋبليكاسىنىڭ وقۋ-اعارتۋ مينيسترلىگى؛

قازاقستان رەسپۋبليكاسىنىڭ عىلىم جانە جوعارى ءبىلىم مينيسترلىگى؛»؛

«قازاقستان رەسپۋبليكاسىنىڭ ءبىلىم جانە عىلىم مينيسترلىگى؛» دەگەن جول الىپ تاستالسىن.

5. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

6. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ق. توقايەۆ

نۇر- سۇلتان، اقوردا، 2022 -جىلعى 11 ماۋسىم

917№


جاڭالىقتار