پارلامەنتتىڭ قازىرگى شاقىرىلىمى تاراتىلا ما - ادىلەت ۆيتسە-ءمينيسترى جاۋاپ بەردى

نۇر-سۇلتان. قازاقپارات – ق ر پارلامەنتى پالاتالارىن قۇرۋدىڭ رەفەرەندۋم ارقىلى ماقۇلدانعان جاڭا ەرەجەسى سەگىزىنشى شاقىرىلىمنىڭ ءماجىلىس دەپۋتتاتتارىن سايلاۋدان باستاپ قولدانىلادى، دەپ حابارلايدى قازاقپارات ءتىلشىسى.

بۇل تۋرالى ق ر ادىلەت ۆيتسە-ءمينيسترى الما مۇقانوۆا ورتالىق كوممۋنيكاتسيالار قىزمەتىندە وتكەن بريفينگىدە ايتتى.

«ق ر پارلامەنت پالاتالارىن قۇرۋدىڭ جاڭا ءتارتىبىن ايقىندايتىن نورمالار سەگىزىنشى شاقىرىلىمنىڭ ءماجىلىس دەپۋتتاتتارىن سايلاۋدان باستاپ قولدانىلادى»، - دەدى ءمينيستردىڭ ورىنباسارى. سونداي-اق، ول جەتىنشى شاقىرىلىم دەپۋتتتارى ازىرگە تاراتىلمايتىنىن ءتۇسىندىردى.

«ب ا ق وكىلدەرى قازىر بىزگە «كونستيتۋتسيالىق رەفورمالاردان كەيىن جەتىنشى شاقىرىلىم تاراتىلا ما ؟» دەگەن سياقتى سۇراقتار قويىپ جاتىر. قازىر جەتىنشى شاقىرىلىم جۇمىس ىستەپ جاتىر. ولار 2026 -جىلدىڭ ءبىرىنشى جارتىجىلدىعىنىڭ اياعىنا دەيىن ءوز قىزمەتىن جالعاستىرادى. قازىر جەتىنشى شاقىرىلىمدى تاراتۋ تۋرالى ماسەلە قويىلىپ وتىرعان جوق»، - دەدى الما مۇقانوۆا.

ايتا كەتەيىك، 7-ماۋسىمدا ورتالىق رەفەرەندۋم كوميسسياسى كونستيتۋتسياعا ۇسىنىلعان وزگەرىستەر قابىلدانعانىن مالىمدەگەن ەدى.