ماڭعىستاۋ وبلىسى اكىمىنىڭ ءبىرىنشى ورىنباسارى تاعايىندالدى
ول - بۇرىن وبلىس اكىمىنىڭ ورىنباسارى قىزمەتىن اتقارىپ كەلگەن بەكبول ورىنباساروۆ، دەپ حابارلايدى قازاقپارات.
بەكبول ورىنباساروۆ ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن «ساياسي ەكونوميا جانە قوعامتانۋ وقىتۋشىسى» ماماندىعى بويىنشا، ش. ەسەنوۆ اتىنداعى اقتاۋ ۋنيۆەرسيتەتىن ەكونوميست ماماندىعى بويىنشا بىتىرگەن.
سونىمەن قاتار ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ قۇقىق ماگيسترى. ب. ورىنباساروۆ ەڭبەك جولىن 1993-جىلى فورت-شيەۆچەنكودا ماڭعىستاۋ وبلىستىق كەدەن باسقارماسىنىڭ «باۋتينو» كەدەن بەكەتىنىڭ ينسپەكتورى لاۋازىمىنان باستاعان.
1996-جىلدان 1998-جىلعا دەيىن بانك جانە قارجى سەكتورىندا ەڭبەك ەتتى.
1999-جىلى اقتاۋ قالالىق اكىمشىلىگىنىڭ مۇلىكپەن باسقارۋ ءبولىمىنىڭ باس مامانى بولىپ جۇمىس ىستەدى.
2005-جىلعا دەيىن اقتاۋ اكىمدىگىندە ءتۇرلى لاۋازىمداردى اتقاردى. كەيىن اقتاۋ اكىمىنىڭ ورىنباسارى بولىپ تاعايىندالدى.
2006-جىلى ەكونوميكا جانە بيۋدجەتتىك جوسپارلاۋ مينيسترلىگى ىشكى اكىمشىلىك دەپارتامەنتىنىڭ بۋحگالتەرلىك ەسەپ جانە كادر جۇمىسى، اقپاراتتىق تەحنولوگيالار جانە ۇيىمداستىرۋ تەحنيكالىق قامتاماسىز ەتۋ باسقارماسىنىڭ باستىعى بولدى، وندا 2019-جىلعا دەيىن ەڭبەك ەتتى.
2019-جىلدان باستاپ 2021-جىلدىڭ ناۋرىزىنا دەيىن «اقتاۋ تەڭىز پورتى» ارنايى ەكونوميكالىق ايماعى» اق باسقارما ءتوراعاسى بولىپ جۇمىس ىستەدى.
2021-جىلدىڭ ناۋرىز ايىنان باستاپ، بۇگىنگى كۇنگە دەيىن - ماڭعىستاۋ وبلىسى اكىمىنىڭ ورىنباسارى لاۋازىمىندا بولدى.