قوعامدىق تۇتاستىقتىڭ جاڭا دەڭگەيىن كورسەتتى - ەرلان قارين رەفەرەندۋم تۋرالى

None
None
نۇر-سۇلتان. قازاقپارات - ەلدىڭ بولاشاق دامۋىنا قاتىستى بيلىك پەن قوعامنىڭ تۇسىنىگى ءبىرتۇتاس.

بۇل تۋرالى ق ر مەملەكەتتىك حاتشىسى ەرلان قارين Telegram-كانالىندا ق ر كونستيتۋتسياسىنا وزگەرىستەر مەن تولىقتىرۋلار ەنگىزۋگە قاتىستى وتكەن رەسپۋبليكالىق رەفەرەندۋمعا تۇسىنىك بەرە وتىرىپ مالىمدەدى، دەپ حابارلايدى قازاقپارات.

«سونىمەن، كونستيتۋتسيالىق تۇزەتۋلەر بويىنشا رەفەرەندۋم ءوتتى. ورتالىق رەفەرەندۋم كوميسسياسى جاريالاعان الدىن-الا مالىمەتتەر بويىنشا ازاماتتاردىڭ رەفەرەندۋمعا قاتىسۋى %68,06 دى قۇرادى. وسىلايشا قازاقستاندىقتاردىڭ %77,18 كونستيتۋتسياعا ەنگىزىلەتىن وزگەرىستەر مەن تولىقتىرۋلاردى قولداپ وتىر. كونستيتۋتسيالىق رەفورماعا قاتىسۋ كورسەتكىشىنىڭ جوعارى ناتيجەسى قوعامدىق تۇتاستىقتىڭ جاڭا دەڭگەيىن كورسەتىپ وتىر. رەفەرەندۋم ناتيجەسى بيلىك پەن قوعامنىڭ ەلدىڭ ودان ءارى دامۋ پەرسپەكتيۆالارىنا قاتىستى تۇسىنىكتىڭ ءبىرتۇتاستىعىن كورسەتەدى. بۇل پرەزيدەنتتىك رەفورمالاردى جۇزەگە اسىرۋدا قوعامدىق قولداۋدىڭ ناقتى كورىنىسىن بىلدىرەدى»، - دەپ جازدى ەرلان قارين.

سوڭعى جاڭالىقتار