رەفەرەندۋمنىڭ الدىن الا قورىتىندىسى جاريالاندى

نۇر- سۇلتان. قازاقپارات – ق ر ورتالىق رەفەرەندۋم كوميسسياسىنىڭ ءتوراعاسى نۇرلان ءابدىروۆ رەفەرەندۋمنىڭ الدىن الا قورىتىندىسىن جاريا ەتتى، دەپ حابارلايدى قازاقپارات ءتىلشىسى.

«رەفەرەندۋمعا قاتىسۋ قۇقىعى بار قازاقستان رەسپۋبليكاسى ازاماتتارىنىڭ جالپى سانى 11734642 ادامدى قۇرادى. داۋىس بەرۋگە قاتىسقان ازاماتتاردىڭ سانى 7986293 نەمەسە رەفەرەندۋمعا قاتىسۋشى ازاماتتار سانىنىڭ 68,06 پايىزىن قۇرادى. وسىلايشا رەفەرەندۋم ءوتتى دەپ ەسەپتەۋگە بولادى»، دەدى ول.

رەفەرەندۋمعا قاتىسۋعا قويىلعان ماسەلەنىڭ وڭ شەشىمىن جاقتاپ داۋىس بەرگەن ازاماتتاردىڭ سانى ەلىمىزدىڭ بارلىق وڭىرلەرىندە داۋىس بەرۋگە قاتىسقانداردىڭ 77,18 پايىزىن قۇرايدى. ال بۇل 6163863 ادام. بۇل 17 ءوڭىردىڭ ءارقايسىسىندا ءابسوليۋتتى كوپشىلىكتى قۇراپ وتىر. وسىلايشا وبلىستاردىڭ، رەسپۋبليكالىق ماڭىزى بار قالالاردىڭ، استانانىڭ كەمىندە ۇشتەن ەكىسىندە قولداۋ قاجەتتىگى تۋرالى كونستيتۋتسيالىق زاڭ تالابى ساقتالدى. كونستيتۋتسيالىق تۇزەتۋلەرگە قارسى داۋىس بەرگەن ازاماتتاردىڭ جالپى سانى داۋىس بەرۋگە قاتىسقانداردىڭ 18,66 پايىزى نەمەسە 1490475 ادامدى قۇراعان.

اۆتور: مارلان جيەمباي