اكتريسا سامال ەسلياموۆا رەفەرەندۋمدا داۋىس بەردى
پەتروپاۆلداعى بالالار مەن جاسوسپىرىمدەردىڭ شىعارماشىلىعى ورتالىعىندا ورنالاسقان № 595 -رەفەرەندۋم ۋچاسكەسىندە بەلگىلى اكتريسا، كانن فەستيۆالىنىڭ ۇزدىگى اتانعان سامال ەسلياموۆا داۋىس بەردى. سولتۇستىك قازاقستان وبلىسى ارالاعاش اۋىلىنىڭ تۋماسى بۇل جولى دا تاڭداۋىن تۋعان جەرىندە جاسادى. سول ءۇشىن استانادان ارنايى كەلگەن.
«ادام بالاسى بولعان سوڭ جاقسىلىق كۇتەمىز، ءۇمىتىمىز زور. كونستيتۋتسيالىق تۇزەتۋلەردىڭ جالپى نەگىزگى يدەياسى - مەملەكەتتىك قۇرىلىس نىسانىن وزگەرتۋ عوي. بولاشاققا سەنىمىم زور، ءومىر ءسۇرۋ دەڭگەيى تەك جاقسارا تۇسەدى دەپ ويلايمىن. ول ءۇشىن ءار قازاقستاندىق تا جۇمىس ىستەۋى كەرەك»، - دەيدى سامال ەسلياموۆا.
جالپى بۇل رەفەرەندۋم ۋچاسكەسىندە 1336 پەتروپاۆلدىق تىركەلگەن.
«جالپى، داۋىس بەرۋگە تاڭەرتەڭنەن كوبىنەسە ەگدە جاستاعى ادامدار كەلدى، تۇسكە قاراي ادەتتە جاستار كەلەدى. العاش رەت داۋىس بەرىپ جاتقانداردىڭ سانى 15 ادام. وسى ۋاقىتقا دەيىن 1 سوعىس ارداگەرى جانە 20 تىل ەڭبەككەرى تاڭداۋىن جاساپ كەتتى»، - دەيدى № 595 -ۋچاسكەلىك رەفەرەندۋم كوميسسياسىنىڭ ءتوراعاسى قانات ءسادۋاقاس. بۇعان دەيىن سقو- داعى سايلاۋ ۋچاسكەلەرىندە جارمەڭكە ۇيىمداستىرىلعانىن ايتقان ەدىك.
ال س ق و- داعى تەرگەۋ يزولياتورىندا وتىرعان 155 ادام رەفەرەندۋمعا قاتىستى.
اۆتور: اقەركە داۋرەنبەك قىزى