قاڭتار وقيعاسىندا قازا بولعانداردىڭ ءتىزىمى كوپشىلىككە جاريالانادى - توقايەۆ
«قازا بولعانداردىڭ تىزىمىنە قاتىستى ايتسام، ول جاريالانادى، كوپشىلىككە ءمالىم بولادى. بۇعان دەيىن ايتقانىمداي، ول تىزىمدە، لاڭكەستىك توپتىڭ دەپ ايتساق بولاتىن شىعار، سول تاراپتىڭ جاعىندا ءجۇرىپ قازا بولعاندار وتە كوپ. ولار ءوز ارەكەتتەرى ارقىلى مەملەكەتتىك قۇرىلىمىمىزدى ىدىراتقىسى كەلدى»، - دەدى قاسىم-جومارت توقايەۆ رەفەرەندۋمدا داۋىس بەرىپ بولعاننان كەيىن. پرەزيدەنتتىڭ ايتۋىنشا، بۇل ماسەلەنىڭ ەكىنشى قىرى بار.
«ءبىراق مەملەكەتىمىزگە تابان استىنان قارسى شىققان توپتارعا قاتىسى بولماعان ادامدار دا بار. وسىعان بايلانىستى، ارينە، ءبىز قايعىرىپ، كوڭىل ايتامىز. ازاماتتارعا قارسى اقتاۋعا كەلمەيتىن ارەكەتتەرگە بارعان اسكەري قىزمەتشىلەردىڭ ءبارى جاۋاپكەرشىلىككە تارتىلاتىنى تۇسىنىكتى. تەرگەۋ ءجۇرىپ جاتىر، بالليستيكالىق ساراپتامالار ءوتىپ جاتىر. سوندىقتان ءبارى ايقىندالادى»، - دەدى مەملەكەت باسشىسى.
قازاقستان پرەزيدەنتى ەلورداداعى وقۋشىلار سارايىندا ورنالاسقان №59-داۋىس بەرۋ ۋچاسكەسىنە كەلىپ، رەسپۋبليكالىق رەفەرەندۋمدا ءوز تاڭداۋىن جاساعانىن بۇدان بۇرىن جاساعان بولاتىنبىز. كەيىن ق. توقايەۆ ب ا ق وكىلدەرىنىڭ سۇراقتارىنا جاۋاپ بەردى. رەفەرەندۋمنان كەيىن قازاقستاندىقتاردى ۇلكەن وزگەرىستەر كۇتىپ تۇرعانىن اتاپ ءوتتى.