18:24, 02 - ماۋسىم 2022 | GMT +6
ەلوردادا كاماز جۇرگىزۋشىسى پوليتسەيلەرگە باعىنباي، توبەلەس شىعاردى
نۇر-سۇلتان. قازاقپارات - كاماز جۇرگىزۋشىسى پوليتسيا قىزمەتكەرلەرىنىڭ كولىكتى توقتاتۋ تۋرالى بۇيرىعىن ەلەمەي، قاشىپ كەتۋگە تىرىسقان.
سودان كەيىن پوليتسەيلەرگە شابۋىل جاساعان، دەپ حابارلادى قازاقپارات ءتىلشىسى.
«وقيعا بىرنەشە كۇن بۇرىن نۇر-سۇلتان قالاسى ماڭىندا بولعان. 39 جاستاعى كاماز جۇرگىزۋشىسى پوليتسيا قىزمەتكەرلەرىنىڭ كولىكتى توقتاتۋ تۋرالى بۇيرىعىن ەلەمەي، قاشىپ كەتپەك بولعان. سونداي-اق، جۇرگىزۋشى پاترۋلدىك كولىكپەن سوقتىعىسىپ، ءتارتىپ ساقشىلارىنا كۇش كورسەتكەن»، - دەپ حابارلادى ەلوردالىق پوليتسيا دەپارتامەنتىنىڭ باسپا ءسوز قىزمەتى.
قازىرگى ۋاقىتتا قىلمىستىق كودەكستىڭ 380-بابى، 3-بولىگى، 1-تارماعى بويىنشا سوتقا دەيىنگى تەرگەۋ باستالعان.
سوت شەشىمىمەن كۇدىكتى ەكى اي مەرزىمگە قاماۋعا الىندى.
جانجالدىڭ ۆيدەوسى الەۋمەتتىك جەلىلەرگە تارادى.