مادەني دەمالىس: ەلوردادا وسى اپتادا قانداي ءىس-شارالار وتەدى
وسى ءىس-شارالاردىڭ قۇرمەتىنە وراي ەلوردانىڭ مادەنيەت مەكەمەلەرى كەز كەلگەن جاسقا ارنالعان ءتۇرلى ءىس-شارالار دايىنداپ وتىر، دەپ حابارلايدى نۇر-سۇلتان اكىمدىگىنىڭ رەسمي سايتى.
ەلوردانىڭ مەملەكەتتىك اكادەميالىق فيلارمونياسى 1- ماۋسىم كۇنى ساعات 19:00 دە «ەرتەگىلەر الەمى» مەرەكەلىك كونسەرتىن ۇيىمداستىرادى.
4- ماۋسىم كۇنى ساعات 17:00 دە «استانا» زالىنىڭ ساحناسىندا نۇرجامال ۇسەنبايەۆانىڭ ەلىمىزدىڭ مەملەكەتتىك رامىزدەرىنە ارنالعان «...ەركىن ءومىر ەلىم ساعان» اتتى شىعارماشىلىق كونسەرتى وتەدى.
حالىقارالىق بالالاردى قورعاۋ كۇنىنە وراي استانالىق سيرك «سيرك - عاجايىپتار ەلى» مەرەكەلىك باعدارلاماسىنا شاقىرادى، قويىلىم 1- ماۋسىم كۇنى ساعات 10:00، 12:00 جانە 16:00 گە جوسپارلانىپ وتىر.
31- مامىر - ساياسي قۋعىن-سۇرگىن جانە توتاليتاريزم قۇرباندارىن ەسكە الۋ كۇنى «جاستار» سارايى الەۋمەتتىك جەلىدەگى اككاۋنتتارىندا ارنايى بەينەروليك جاريالايدى.
كۇندىز ساعات 10:00 دە قالالىق امفيتەاتر ساحناسىندا «BALAPAN الەمى» اتتى كونسەرتتىك باعدارلاما-فەستيۆال وتەدى.
3- ماۋسىم ساعات 11:00 دە سارايدىڭ كونسەرت زالىندا م. گوركي اتىنداعى مەملەكەتتىك اكادەميالىق ورىس دراما تەاترىنىڭ ارتىستەرى «براتەتس ليس ي براتەتس كروليك» ەرتەگىسىن قويادى. سول كۇنى ساعات 19:00 دە امفيتەاتردا قازاق ۇلتتىق ونەر ۋنيۆەرسيتەتى «شابىت شاتتىعى» كونسەرتتىك باعدارلاماسىن ۇسىنادى.
4- ماۋسىم كۇنى ساعات 12:00 دە وسى ساحنادا «جاستار» سارايى كونسەرت بەرەدى، سول سياقتى «Academy Istina Dance « ءبي اكادەمياسىنىڭ تاربيەلەنۋشىلەرى ەسەپتى كونسەرتپەن ونەر كورسەتەدى.
5- ماۋسىم كۇنى ساعات 13:00 جانە 18:00 دە «NOMAD» حورەوگرافيا اكادەمياسى دا ەسەپ بەرەدى.
1- ماۋسىم كۇنى ساعات 11:00-دە گوركيلىقتار ا. بولدينوۆتىڭ «پريكليۋچەنيا ايستەنكا» ەرتەگىسىن كورسەتەدى. 1, 3-6- ماۋسىم كۇندەرى قۋىرشاق تەاترىندا بۇلدىرشىندەر م. ارگيمبايەۆانىڭ «مۋلتفيلمدەر الەمىنە ساياحات» ميۋزيكلىن تاماشالاي الادى.
1- ماۋسىم بالالاردى قورعاۋ كۇنىنە وراي Nomad City Hall-دا قايىرىمدىلىق ءىس-شاراسى وتەدى.
3- ماۋسىم كۇنى ساعات 16:00 جانە 20:00 دە وسى ساحنادا «ك ت ا» ويىنى وتەدى. مۋزىكالىق جاس كورەرمەن تەاترى وسى اپتادا 6 قويىلىم كورسەتەدى:
31- مامىر مەن 2- ماۋسىمدا ساعات 19:00-دە «شانەل 5№» دەرەكتى دراماسىن كورۋگە بولادى.
1- ماۋسىم كۇنى ساعات 14:00 دە «كۇلشە قىز» مۋزىكالىق ەرتەگىسىن ۇسىنادى، سول كۇنى ساعات 19:00 دە «اباي-توعجان» مۋزىكالىق دراماسى وتەدى.
2- ماۋسىم كۇنى ساعات 11:00-دە «عاشىق-جۇرەك» مۋزىكالىق-پوەتيكالىق سپەكتاكلىن تاماشالاۋعا بولادى.
3- ماۋسىم كۇنى ساعات 12:00 دە «تابىستى ورىن» الەۋمەتتىك كومەدياسىن، ال كەشكە ساعات 19:00 دە «ءشامشى» ميۋزيكلىن كورسەتەدى.
1- ماۋسىم كۇنى ساعات 10:00 دە «ناز» مەملەكەتتىك ءبي تەاترى «بالالىق شاق - بالداۋرەن» كونسەرتتىك باعدارلاماسىنا، ال 17:00 دە «U- SANA» حورەوگرافيالىق سپەكتاكلىنە شاقىرادى.
ورتالىقتاندىرىلعان كىتاپحانالار جۇيەسى ءداستۇرلى تۇردە ءتۇرلى تانىمدىق جانە دامىتۋ ءىس-شارالارىن دايىنداپ وتىر.
1- ماۋسىم كۇنى 2№ بۇقارالىق كىتاپحانادا «بالا دەگەن ءبىر باقىت!» ءىس-شاراسىن، 5№ بۇقارالىق كىتاپحانادا كىتاپ كورمەسى، «رودوم يز دەتستۆا» بالالار شىعارماشىلىعىنىڭ ينستاللياتسياسى، 7№ بۇقارالىق كىتاپحانادا «بالا ءبىزدىڭ باقىتىمىز» ادەبي كەشى، 9№ بۇقارالىق كىتاپحانادا «بالالارعا ارنالعان قىزىقتى ويىن-ساۋىق ساعاتى ۇيىمداستىرۋ» ويىن-ساۋىق ساعاتى، 10№ بۇقارالىق كىتاپحانادا «بار مەيىرىمىمىز بالالارعا» مەرەكەلىك كەشى، ورتالىق بالالار-جاس وسپىرىمدەر كىتاپحاناسىندا «اشىق اسپان استىنداعى سۋرەت گالەرەياسى»، حالىقارالىق بالالاردى قورعاۋ كۇنىندە 2№ بالالار كىتاپحاناسىندا «اح، ەتا ديۆنايا پورا» ويىن باعدارلاماسى، 3№ بالالار كىتاپحاناسىندا «1- ماۋسىم بالالاردى قورعاۋ كۇنى» مەرەكەلىك كەشى، 4№ بالالار كىتاپحاناسىندا «كورزينكا ۆكۋسنىح زاگادوك» ادەبي-ويىن-ساۋىق ويىنى جانە ««ۋكراسيم دەتستۆو رادۋگوي ليۋبۆي!»، 8№ بالالار كىتاپحاناسىندا «پۋست دەتستۆو ديۆنوە سمەەتسيا!» ءىس-شاراسى وتەدى.
سونىمەن قاتار 2- ماۋسىم كۇنى 5№ بالالار كىتاپحاناسىندا «قازاقستان رەسپۋبليكاسىنىڭ رامىزدەرى - ۇلتتىق ماقتانىش» تانىمدىق ويىنىن ۇيىمداستىرادى.
تۇستەن كەيىن 12№ بۇقارالىق كىتاپحانادا «تاريح اياسىنداعى ءۇش سيمۆول» اتتى تاريح ساباعى، 5№ بۇقارالىق كىتاپحانادا «ەلتاڭبا، تۋ جانە ءانۇران» گەرالديكالىق ەسسە، 2№ بالالار كىتاپحاناسىندا «ەلتاڭبا - ەگەمەندىك ايعاعى!»، 4- ماۋسىم كۇنى 4№ بۇقارالىق كىتاپحانادا «مەملەكەتتىك رامىزدەر - ۇلت ماقتانىشى» اتتى پاتريوتيزم ساباعى، 10№ بۇقارالىق كىتاپحانادا «مەنىڭ رامىزدەرىم - مەنىڭ ماقتانىشىم!» ءىس-شاراسى ۇيىمداستىرىلادى.
سول سياقتى 15№ بۇقارالىق كىتاپحانادا ارت-تەراپيا، شاحمات، توعىزقۇمالاق، اعىلشىن ءتىلى بويىنشا كلۋبتار مەن ۇيىرمەلەر جۇمىس ىستەيدى.
بىرىككەن مۇراجايلار ديرەكتسياسى دا شەتتە قالمادى. «اتامەكەن» قازاقستان كارتاسى» ەتنو- مەموريالدىق كەشەنىندە 1- ماۋسىم كۇنى «بالالىق بالعىن شاقتار-اي» تاقىرىبىندا تاقىرىپتىق ەكسكۋرسيا ۇيىمداستىرىلادى، سول سياقتى 3- ماۋسىم كۇنى ق ر مەملەكەتتىك رامىزدەرىنىڭ قابىلدانعانىنا 30 جىل تولۋىنا وراي ءدارىس وتكىزىلەدى.
ال 4- ماۋسىم كۇنى ديرەكتسيا اقمول اۋىلىنىڭ «رۋحاني جاڭعىرۋ» ساياباعىندا مەملەكەتتىك رامىزدەر كۇنىنە ارنالعان ءىس-شارا وتكىزەدى.
5- ماۋسىم كۇنى «الجير» مەموريالدى-مۇراجاي كەشەنىندە «مەملەكەتتىك رامىزدەر - ەلىمىزدىڭ نىشانى» اتتى ءدارىس ۇيىمداستىرىلادى.
ساكەن سەيفۋللين مۋزەيىندە 1- ماۋسىمعا دەيىن «زوبالاڭ قۇربانى - ساكەن» اتتى كورمە جۇمىس ىستەيدى. 1- ماۋسىمدا مەملەكەتتىك سىيلىقتىڭ لاۋرەاتى، اقىن نەسىپبەك ايت ۇلىنىڭ «بالالارعا بالداي جىر» اتتى بالالارعا ارنالعان ولەڭدەر جيناعى تانىستىرىلادى. 3-8- ماۋسىم ارالىعىندا مۇراجايدا «رامىزدەر - تاۋەلسىزدىك بەلگىسى» فوتوكورمەسى وتەدى.