قازاقستاندىق تۋريستەر قىرعىزستان شەكاراسىن زاڭسىز كەسىپ وتكەن

الماتى. قازاقپارات - قازاقستاندىق تۋريستتەر تاۋعا جورىق كەزىندە قىرعىزستان شەكاراسىنان زاڭسىز وتكەن.

بۇل تۋرالى ق ر ۇلتتىق قاۋىپسىزدىك كوميتەتى شەكارا قىزمەتى الماتى وبلىسى دەپارتامەنتىنىڭ قاراساي اۋدانى بويىنشا شەكارا باسقارماسىنان ءمالىم ەتتى، دەپ حابارلايدى قازاقپارات ءتىلشىسى.

تۋريستەر مىنا مارشرۋت بويىنشا جۇرگەن: دۋلاتي داڭعىلى - «ىلە-الاتاۋ» مۇتپ ەكوپوستى - ۇلكەن الماتى كولى - كوسموستانتسيا - تۋريست شىڭىنىڭ سولتۇستىك-باتىس بەتكەيى - پروحودنوە شاتقالى - الاگير وزەنىنىڭ وڭ سالاسى - پروحودنايا وزەنى - پروحودنايا اسۋىنىڭ كەڭ اڭعارى.

شەكارا باسقارماسىنىڭ وكىلدەرى اتالعان مارشرۋتتا شەكارادان ءوتۋ ورنى كورسەتىلگەن اقپاراتتىق تابلولار، «شەكارالىق ايماق» دەگەن جازۋى بار كورسەتكىش باعانالار بار ەكەنىن، بۇدان باسقا ق ر مەملەكەتتىك شەكاراسى شەكارالىق بەلگىمەن بەلگىلەنگەنىن ەسكە سالدى.

وسىعان ۇقساس زاڭبۇزۋشىلىق دەرەگى 2021-جىلى دا تىركەلگەن.

«بىلتىر 6 ادامعا قاتىستى ق ر مەملەكەتتىك شەكاراسىن بۇزعانى ءۇشىن ق ك- ءنىڭ 392-بابى 1-بولىگىنە سايكەس قىلمىستىق ءىس قوزعالدى»، - دەلىنگەن حابارلامادا.