تارازدا زاماناۋي وقۋشىلار سارايى اشىلدى
شاراعا ەلىمىزدىڭ بارلىق وڭىرىنەن جانە رەسەي فەدەراتسياسىنان كەلگەن پەداگوگتەر قاتىستى.
جينالعاندار الدىمەن، روبوتوتەحنيكا، 3D- مودەلدەۋ، اۆيامودەلدەۋ، كەمە مودەلدەۋ، قازاق جانە قازىرگى زامانعى ساندىك-قولدانبالى ونەر، لاندشافتىق ديزاين كابينەتتەرى مەن ساۋلەت جانە ديزاين مەكتەبىن، كوۆوركينگ-ورتالىقتى، وبسەرۆاتوريانى جانە پلانەتاريدى ارالاپ كوردى.
بارلىعى 81 ۇيىرمە جۇمىس ىستەيتىن بولادى. فويەدە وقۋشىلاردىڭ عىلىمي-زەرتتەۋ جانە شىعارماشىلىق جۇمىستارى قويىلعان كورمە ۇيىمداستىرىلدى. وقۋشىلار سارايىنىڭ اشىلۋىنا وراي مەكتەپتەن تىس ۇيىمداردىڭ بەيىنى بويىنشا پەداگوگتەر مەن ماماندارعا ارنالعان «قوسىمشا ءبىلىم بەرۋدەگى يننوۆاتسيالار: يدەيادان باستاپ ىسكە اسىرۋعا دەيىن» تاقىرىبىندا رەسپۋبليكالىق قۇرىلىمدىق ديالوگى ءوتتى.
ق ر ءبىلىم جانە عىلىم ءمينيسترىنىڭ كەڭەسشىسى، بالالارعا قوسىمشا ءبىلىم بەرۋدىڭ رەسپۋبليكالىق وقۋ-ادىستەمەلىك ورتالىعىنىڭ ديرەكتورى رايسا شەر بالالاردىڭ تولىققاندى دامۋى ءۇشىن قولايلى جاعداي جاساۋدىڭ قانشالىقتى ماڭىزدى ەكەنىن اتاپ ءوتتى.
«جاڭا وقۋشىلار سارايى بالالار ءۇشىن دە، پەداگوگتەر ءۇشىن دە يننوۆاتسيالىق الاڭعا اينالاتىنىنا سەنىمدىمىن. قازىرگى ۋاقىتتا ەلىمىزدە بارلىعى 1523 مەكتەپتەن تىس ۇيىم جۇمىس ىستەيدى. بۇل - وتە جاقسى كورسەتكىش. وقۋشىلاردىڭ كاسىبي دايارلىققا دەيىنگى تىڭعىلىقتى دايىندىعىن ۇيىمداستىرۋ ءۇشىن كۇش-جىگەرىمىزدى بىرىكتىرۋ - اسا ماڭىزدى. جاستار بولاشاق ماماندىعىن سەنىمدى تۇردە تاڭداپ، كرەاتيۆتى، بەلسەندى ازاماتتىق ۇستانىم يەسى بولۋى ءتيىس. ءبىلىمدى جاستار - ەلدىڭ زياتكەرلىك الەۋەتى ەكەنىن ۇمىتپاۋىمىز كەرەك»، - دەدى ول.
جامبىل وبلىسىنىڭ اكىمى نۇرجان نۇرجىگىتوۆ ءوز سوزىندە وبلىستا كوركەمونەر، مۋزىكالىق، عىلىمي-تەحنيكالىق، اسكەري-پاتريوتتىق باعىتتاعى قوسىمشا ءبىلىم بەرەتىن 75 تەن استام مەكتەپتەن تىس ۇيىم اشىلعانىن اتاپ ءوتتى. مۇنداي نىساندار جىل ساناپ ارتىپ كەلە جاتىر.
«مەملەكەت باسشىسى 2022-جىلدى بالالار جىلى دەپ جاريالادى. وسكەلەڭ ۇرپاقتىڭ بالالىق شاعىنىڭ قامسىز، باقىتتى ءوتۋىن قامتاماسىز ەتۋ - ءبىزدىڭ ورتاق مىندەتىمىز. بۇگىنگى تاڭدا جامبىل وبلىسىنىڭ بالاباقشالارىندا 57 مىڭنان استام بالا تاربيەلەنىپ جاتىر. 244 مىڭ بالا مەكتەپتەردە، 23 مىڭ ستۋدەنت كوللەدجدەردە ءبىلىم الۋدا»، - دەدى ايماق باسشىسى.
