ءوڭىر تۇرعىندارى ءماجىلىس دەپۋتاتتارىنا رەفەرەندۋمعا قاتىستى ويلارىن بىلدىرۋدە
28 مامىر 08:33

ءوڭىر تۇرعىندارى ءماجىلىس دەپۋتاتتارىنا رەفەرەندۋمعا قاتىستى ويلارىن بىلدىرۋدە

نۇر-سۇلتان. قازاقپارات - ءماجىلىس دەپۋتاتتارى قازاقستاندىقتاردى كونستيتۋتسياعا وزگەرىستەر ەنگىزۋ بويىنشا رەفەرەندۋمعا قاتىسۋعا ۇندەپ، وڭىرلەردى ارالاپ ءجۇر، دەپ حابارلايدى قازاقپارات.

ماسەلەن، دەپۋتات ەدىل جاڭبىرشين ماڭعىستاۋ وبلىسىنا ساپارى بارىسىندا ءوڭىر تەمىرجولشىلارىمەن كەزدەستى.

دەپۋتاتتىڭ ايتۋىنشا، جۇرەگى ەلىم، جەرىم، حالقىم دەپ سوعاتىن ءاربىر ازامات كونستيتۋتسيالىق وزگەرىستەردى تالقىلاۋعا بەلسەنە ارالاسىپ، رەفەرەندۋمعا قاتىسىپ، ءوز تاڭداۋىن جاساۋى كەرەك.

تەمىرجولشىلار وزدەرىن تولعاندىرعان سۇراقتاردى العا تارتىپ، اتا زاڭعا ەنگىزىلەتىن وزگەرىستەردىڭ جەكەلەگەن باپتارى بويىنشا ورتاق پىكىرلەرىن ايتتى.

وسى كۇنى ءماجىلىس دەپۋتاتى ءاليا ابسەمەتوۆا جامبىل اۋدانى اقسەڭگىر اۋىلىنىڭ تۇرعىندارىمەن جۇزدەستى.

دەپۋتاتتىڭ پىكىرىنشە، رەفەرەندۋم - حالىققا دەگەن سەنىمنىڭ، ازاماتتاردى مەملەكەتتىك باسقارۋ ىسىنە كەڭىنەن تارتۋدىڭ ايقىن بەلگىسى. ءوز كەزەگىندە اقسەڭگىر اۋىلدىق وكرۋگىنىڭ اقساقالدار كەڭەسىنىڭ ءتوراعاسى تۇرسىنعالي سارىبايەۆ «قازاقستاننىڭ بولاشاعىن ايقىندايتىن، ويىمىزدى اشىق جەتكىزۋگە مۇمكىندىك بەرەتىن، رەفەرەندۋمدى تولىق قولدايمىز»، - دەگەن ويىن ءبىلدىردى.

سونداي-اق سولتۇستىك قازاقستان وبلىسىنا بارعان ماجىلىسمەن دميتريي كولودا پەتروپاۆل قالاسىندا زاۋىت جۇمىسشىلارمەن كەزدەسىپ، كونستيتۋتسيالىق رەفورما توڭىرەگىندە مازمۇندى اڭگىمە ءوربىتتى.

س. كيروۆ اتىنداعى زاۋىت كونە كاسىپورىنداردىڭ ءبىرى. زاماناۋي تەحنيكالىق قۇرالداردى وندىرەدى. كاسىپورىندا 500 ادام ەڭبەك ەتەدى، ولار كونستيتۋتسيالىق تۇزەتۋلەرمەن تولىقتاي تانىسقاندارىن جانە قولدايتىندارىن ايتىپ، رەفەرەندۋمعا قىزىعۋشىلىق تانىتتى.

«وڭىرلەرگە ساپار بارىسىندا دەپۋتاتتار رەفەرەندۋم قازاقستان دامۋىنىڭ جاڭا كەزەڭىندەگى تاريحي وقيعا ەكەنىن ايتىپ، ەل تۇرعىندارىن بەلسەنە قاتىسۋعا شاقىردى»، - دەدى ءماجىلىستىڭ باسپا ءسوز قىزمەتىنەن.

جاڭالىقتار