بەلگىلى بوكسشى «كانەلو» مەن گولوۆكين جەكپە-جەگى نەمەن اياقتالاتىنىن ايتتى

None
None
نۇر-سۇلتان. قازاقپارات - بەلگىلى مەكسيكالىق بىلعارى قولعاپ شەبەرى ماركو انتونيو باررەرا تريلوگياعا قاتىستى ويىن ايتتى، دەپ جازادى Vesti.kz ءتىلشىسى.

«العاشقى ەكى كەزدەسۋ وتە قىزىقتى ءوتتى. جانكۇيەرلەردىڭ ءبىرازى گەنانىڭ جەڭىسكە جەتكەنىن ايتسا، ەكىنشى تاراپ «كانەلو» جەڭدى دەدى. بۇل جولى كوپتەگەن سۇراقتاردىڭ شەشىمى تابىلادى. الۆارەس بۇكىل الەمگە كىمنىڭ مىقتى ەكەنىن دالەلدەۋ ءۇشىن العاشقى راۋندتان باستاپ شيراق قيمىلدايدى. تريلوگيادا كىمنىڭ مىقتى ەكەنىن انىقتايدى. سوندىقتان «كانەلو» نوكاۋتپەن قۇلاتۋ ءۇشىن ايانىپ قالمايدى.

ال گەنا بولسا مۋراتاعا قارسى ايقاستا جوعارى دەڭگەيىن كورسەتتى. قىرىققا تاياپ قالعاندا ءوزىن جاقسى فورمادا ۇستاۋى ۇنادى. ناتيجەسىندە مۋراتا نوكاۋتقا ءتۇسىپ قالدى. «كانەلو» جىلدام بوكسشى. ساۋل بىردەن قۇلاتۋدىڭ امالىن ويلاستىرىپ جاتقان شىعار. ايقاس نوكاۋتپەن اياقتالۋى مۇمكىن»، - دەيدى باررەرا.

ەسكە سالايىق، گەنناديي گولوۆكين مەن ساۋل كانەلو الۆارەس 17- قىركۇيەكتە جۇدىرىقتاسادى.

سوڭعى جاڭالىقتار