بۇرىن- سوڭدى بولماعان سانكسيالىق تەكەتىرەس بايقالىپ وتىر - مەملەكەت باسشىسى
«بۇگىندە ءوزىنىڭ ءمانى مەن سالدارى جاعىنان بۇرىن- سوڭدى بولماعان سانكتسيالىق تەكەتىرەس بايقالىپ وتىر. بيىلعى اقپان ايىندا قازاقستاننىڭ استاناسىندا وتكەن ەۋرازيالىق ۇكىمەتارالىق كەڭەس اياسىندا مەن ەۋرازيالىق بەس ەل ەكونوميكالارىنىڭ ورنىقتىلىعىن قامتاماسىز ەتۋ جونىندەگى ەكونوميكالىق شارالاردى ازىرلەۋ ءۇشىن جوعارى دەڭگەيدەگى جۇمىس توبىن قۇرۋدى ۇسىندىم. جۇمىس توبى قۇرىلدى، ول ىسكە اسىرىلىپ جاتقان جانە ناقتى ناتيجەلەرى بار جەدەل شارالار پاكەتىن ازىرلەدى»، - دەدى مەملەكەت باسشىسى جوعارى ەۋرازيالىق ەكونوميكالىق كەڭەستىڭ وتىرىسىندا.
الايدا پرەزيدەنت قازىرگى كۇردەلى گەوساياسي جاعداي ۇزاققا سوزىلاتىنىن جانە بۇعان دايىن بولۋ كەرەكتىگىن اتاپ ءوتتى.
«وسىعان بايلانىستى، ءبىزدىڭ ويىمىزشا، ينتەگراتسيالىق بىرلەستىكتىڭ قازىرگى جاي- كۇيى مەن قاجەتتىلىكتەرىنە جاۋاپ بەرەتىن قازاقستاننىڭ ەكى باستاماسىن قاراستىرۋدى ۇسىنامىن»، - دەدى ق. توقايەۆ.
بۇعان دەيىن پرەزيدەنت ە ا ە و قىزمەت ەتكەن جىلدارى قازاقستاننىڭ ءوزارا ساۋداسى 33 پايىزعا، ەكسپورتى 55 پايىزعا ارتقانىن مالىمدەگەن ەدى.
اۆتور: ايجان سەرىكجان قىزى