ميۋنحەن كونفەرەنسياسىنا قاتىسۋشىلار ديماشتىڭ ونەرىنە ورنىنان تۇرىپ شاپالاق ۇردى
DLD - الەمدى سيفرلاندىرۋعا ءوز ۇلەستەرىن قوسۋعا تىرىساتىن ادامدار ءۇشىن قۇرىلعان ۇلكەن حالىقارالىق الاڭ. وندا ساياسات، عىلىم، مادەنيەت جانە ونەر سالاسىنداعى تانىمال ۆيزيونەرلەر ءوز تاجىريبەسىمەن بولىسەدى. كونفەرەنسياعا بىرنەشە جىل بويى قاتىسىپ كەلە جاتقان سپيكەرلەردىڭ اراسىندا Facebook نەگىزىن قالاۋشى مارك سۋكەربەرگ، ءانشى لەدي گاگا، Microsoft كومپانياسىنىڭ باس ديرەكتورى ساتيا نادەللا، Twitter- ءدىڭ نەگىزىن قالاۋشى دجەك دورسي، iPhone ونەرتاپقىشى توني فادەلل جانە باسقالار بار. سونداي- اق شاراعا تانىمال مۋزىكالىق ورىنداۋشىلار شاقىرىلادى.
Mobilium Global كومپانياسىنىڭ باس ديرەكتورى رالف سايمون بۇل جولعى كونفەرەنسياعا قازاقستان ءانشىسى ديماش قۇدايبەرگەندى شاقىرۋدى ۇسىنعان. سولايشا، بيىل DLD- ءدىڭ باستى ساحناسىندا العاش رەت قازاق حالىق اسپاپتارى شىرقالدى. ديماش ولجاس قۇرمانبەكتىڭ قوبىزبەن سۇيەمەلدەۋىمەن «S. O. S» جانە «Stranger» اندەرىن ورىندادى.
«ديماشتىڭ ونەر كورسەتۋى اياقتالعاننان كەيىن كورەرمەندەر ورىندارىنان اتىپ تۇرىپ، دۋ قول شاپالاق ۇردى. بۇل قازاقستان ارتىستەرىنىڭ DLD ساحناسىندا العاش ونەر كورسەتۋى بولدى»، - دەپ ءبولىستى رالف سايمون.
سونداي- اق Mobilium Global باس ديرەكتورى جۇرتشىلىق دومبىرا مەن قوبىزدىڭ تاڭعاجايىپ ۇنىنە قايران قالعانىن اتاپ ءوتتى.
«مەنىڭ ويىمشا، بۇل ديماشتىڭ ناعىز تريۋمفى بولدى. ايتپاقشى، مۇنى گەرمانيانىڭ كونسەرتتەردىڭ تانىمال پروموۋتەرى دە ايتىپ ءوتتى. ول ونىڭ (ديماشتىڭ - رەد. ) ونەرىن تاماشالاۋ ءۇشىن بەرليننەن ميۋنحەنگە ارنايى ۇشىپ كەلدى»، - دەدى ول.