قىتايدا سوتتالعان اقجارقىن تۇرلىبايدى قازاقستانعا ەكستراديتسيالاۋ تۋرالى س ءى م پىكىر ءبىلدىردى
27 مامىر 15:01

قىتايدا سوتتالعان اقجارقىن تۇرلىبايدى قازاقستانعا ەكستراديتسيالاۋ تۋرالى س ءى م پىكىر ءبىلدىردى

الماتى. قازاقپارات - سىرتقى ىستەر مينيسترلىگى وكىلى قىتاي تۇرمەسىندە ءومىر بويى جازاسىن وتەپ جاتقان قازاقستاندىق اقجارقىن تۇرلىبايعا قاتىستى پىكىر ءبىلدىردى.

س ءى م باسپا ءسوز قىزمەتىنىڭ مالىمەتىنشە، قازىر اقجارقىن تۇرلىبايدى قازاقستانعا بەرۋ ماسەلەسى پىسىقتالىپ جاتىر.

«قازىر ەكى ەلدىڭ باس پروكۋراتۋراسى اراسىندا جازا مەرزىمىن ودان ءارى وتەۋ ءۇشىن ونى قازاقستانعا بەرۋ مۇمكىندىگىنە قاتىستى ءتيىستى جۇمىستار جالعاسىپ جاتىر»، - دەدى ۆەدومستۆونىڭ باسپا ءسوز قىزمەتى وكىلى.

قازاقستاندىق ديپلوماتتار اقجارقىن تۇرلىبايمەن ۇنەمى بايلانىستا.

«ول اعىلشىن جانە قىتاي تىلدەرىن ۇيرەنىپ جاتىر. دەنساۋلىعىنا قاتىستى شاعىم جوق، كوڭىل كۇيى قالىپتى»، - دەلىنگەن س ءى م حابارلاماسىندا.

ەسكە سالايىق، بۇعان دەيىن ادۆوكات سۇڭقار نۇرماعامبەتوۆ اقجارقىن تۇرلىبايعا قاتىستى ءمان- جايدى تۇسىندىرگەن بولاتىن. ونىڭ ايتۋىنشا، قىتاي تۇرمەسىنە ءومىر بويىنا سوتتالعان قازاقستاندىقتى ەكستراديتسيالاۋ تۋرالى ويلاۋ ءالى ەرتە. ماسەلە ءالى شەشىلگەن جوق.

«قازاقستان رەسپۋبليكاسىنىڭ سوتتالعان ازاماتتارىن ەلگە قايتارۋ 2015 -جىلدىڭ 30-قىركۇيەگىندە بەيجىڭدە قول قويىلعان ەكىجاقتى كەلىسىممەن رەتتەلەدى. مۇنداي كەلىسىم بارلىق ەلدە جوق. بۇل فاكت!

ەلگە قايتارۋ مىنا پروتسەدۋرالاردان تۇرادى:

ۇكىمدى ءومىر بويىنا باس بوستاندىعىنان ايىرۋدان باس بوستاندىعىنان ايىرۋعا (مەرزىم بويىنشا ەسەپتەلگەن) قايتا قاراۋ تۋرالى قاۋلى ەلگە قايتارۋعا تىكەلەي ىقپال ەتەدى.

ق ر باس پروكۋراتۋراسىنا سوتتالۋشىنى ەلگە قايتارۋ تۋرالى ءوتىنىشحات جولداۋ. *ءوتىنىشحاتتى مەن 2016 -جىلدىڭ ساۋىرىندە باستادىم.

ب پ مەن ق ر س ءى م-نىڭ قىتاي تاراپىمەن باعدارلامانى ورىنداۋ بويىنشا ءوزارا ءىس- قيمىلى.

وتە ماڭىزدى ءسات. بيىل جازا قايتا قارالۋى مۇمكىن»، - دەدى نۇرماعامبەتوۆ.

جاڭالىقتار