پاۆلوداردا ايەلى اجىراسىپ جاتقان كۇيەۋىنەن ەرەكشە جولمەن كەك الدى - ۆيدەو

نۇر-سۇلتان. قازاقپارات – پاۆلوداردا جالعان نومىرمەن جۇرگەن جەرگىلىكتى تۇرعىن جاۋاپكەرشىلىككە تارتىلدى.

الايدا ول ءوزىنىڭ تەمىر تۇلپارى ەسەپتە جوق ەكەنىن بىلمەيتىن بولىپ شىقتى. ونىڭ كولىگىن ەسەپتەن ايەلى شىعارىپ تاستاعان، دەپ حابارلايدى پاۆلودار وبلىستىق پوليتسيا دەپارتامەنتىنىڭ باسپا ءسوز قىزمەتى.

«پاۆلودار كوشەلەرىندە قوعامدىق ءتارتىپتى جانە جول قوزعالىسى ەرەجەلەرىن ساقتاۋ مونيتورينگى كەزىندە جبو بەينەباقىلاۋ ينسپەكتورى قالا بويىنشا جالعان نومىرمەن جۇرگەن، ءبىراق تىركەۋ ەسەبىندە جوك «ينفينيتي« اۆتوكولىگىن انىقتادى. ينسپەكتور كولىك تۋرالى بارلىق اقپاراتتى دەرەۋ جاقىن ماڭداعى پوليتسيا پاترۋلىنە بەردى، ولار جۇرگىزۋشىنى توقتاتتى»، - دەپ حابارلادى پاۆلودار وبلىستىق پ د باسپا ءسوز قىزمەتى.

ال 36 جاستاعى پاۆلودارلىق ونىڭ كولىگىنىڭ تىركەۋ ەسەبىنەن شىعارىلعانىن، مەملەكەتتىك ءنومىردىڭ جالعان ەكەنىن پوليتسەيلەردەن بىلگەن. كەيىن كولىكتىڭ يەسى ونىڭ ايەلى ەكەنى بەلگىلى بولدى، ءبىراق قازىرگى ۋاقىتتا ەرلى-زايىپتىلار اجىراسىپ جاتىر. ياعني، كۇيەۋىنە اشۋلانعان ايەلى بۇل تۋرالى ەشتەڭە ايتپاستان كولىكتى ەسەپتەن شىعارعان كورىنەدى.

دەگەنمەن بۇل جۇرگىزۋشىنى جاۋاپكەرشىلىكتەن بوساتقان جوق. ەر ادامعا قاتىستى ا ق ب ت ك 590-بابى 4-ءبولىمى بويىنشا اكىمشىلىك حاتتاما تولتىرىلدى. كولىك قۇرالى مامانداندىرىلعان تۇراققا قويىلدى.