قىتاي تۇرعىنى ءوز يتتەرىنە شاعىن ساراي مەن ويىن- ساۋىق ساياباعىن سالىپ بەردى

نۇر-سۇلتان. قازاقپارات - قىتايدا كاسىپكەر يتەرىنە ارناپ ءزاۋلىم ساراي مەن ويىن-ساۋىق ساياباعىن سالىپ بەردى.

ول يدەياسىن جۇزەگە اسىرۋعا 340 مىڭ يۋان جۇمساعان، دەپ حابارلايدى Odditycentral.com.

شاعىن ۇيدە ويىنشىق كولىكتەر، كونديتسيونەر، تەلەديدار، كينوپروەكتور، سۋ ديسپەنسەرى، اڭ تەرىسىنە ارنالعان كەپتىرگىش، ليفت، سونىمەن قاتار جەكە دارەتحانا بار. ال يتتەرگە ارنالعان ويىن-ساۋىق ساياباعىندا اتكەنشەكتەردى، باسسەين مەن ديسكوتەكا الاڭىن، ميني اتتراكسيوندار مەن شاعىن پويىزدى كورۋگە بولادى.

جوۋ ەسىمدى ەر ادام ءوز يتتەرىنە ءۇي سالۋدى 2019 -جىلى باستاعان. وسىلايشا، شاعىن ساراي قۇرىلىسى ءۇش جىلعا سوزىلعان. كاسىپكەر ءۇي جانۋارلارىنا سارايدى وسىعان دەيىن دە سالعان ەكەن. دەگەنمەن وعان كوپشىلىك سىني پىكىر ايتىپ، ءۇيدى يتتەرگە قولايلى ەتۋ ءۇشىن تاعى بىرنەشە تۇزەتۋ ەنگىزۋ قاجەت ەكەنىن جەتكىزگەن.

وسىلايشا، قىتايلىق العاشقى جوباسىنا 200-دەن اسا وزگەرىس ەنگىزگەن كورىنەدى. بۇل جولى يتتەرگە ارنالعان شاعىن ءۇي كوپشىلىكتىڭ كوڭىلىنەن شىققان. ءبىراق كەيبىر جەلى قولدانۋشىلارى جوۋ باقۋاتتى جانۇيادا وسكەندىكتەن، اقشانى بوس جۇمسايتىنىن ايتقان. ال جوۋ قىمبات كيىم ساتىپ الۋدىڭ ورنىنا قارجاتىن ءۇي جانۋارلارىنا جۇمساعاندى قۇپ كورەتىنىن مالىمدەگەن.