سوڭعى قوڭىراۋعا كەلە الماعان سىنىپتاسىنىڭ ۇيىنە بارعان وقۋشىلار جۇرتتىڭ ىقىلاسىنا بولەندى

نۇر-سۇلتان. قازاقپارات - الەۋمەتتىك جەلىدە «سوڭعى قوڭىراۋ» كەزىندە تۇسىرىلگەن تاعى ءبىر ۆيدەو كوپشىلىكتىڭ قىزۋ تالقىسىنا ءتۇستى.

ۆيدەو Instagram جەلىسىندەگى shyndykz پابليگىندە جاريالاندى. ۆيدەودان جاس تۇلەكتەردىڭ وزگە بوزبالاعا سايات ابەنوۆتىڭ سوزىنە جازىلعان، بەكزات قۇنانبايدىڭ «باۋىر كەرەك» ءانىن حورمەن ورىنداپ تۇرعانىن بايقاۋعا بولادى.

اۆتوردىڭ جازۋىنشا، جاس تۇلەكتەر «سوڭعى قوڭىراۋعا» اۋىرىپ كەلە الماعان سىنىپتاسىنىڭ جاعدايىن بىلۋگە كەلگەن.

ال ۆيدەونى كورگەن جەلى قولدانۋشىلارى: «جىلاعىم كەلىپ كەتتى»، «جارايسىڭدار»، «كوزىمە جاس كەلدى»، «باۋىر دەگەن سەندەردەي-اق بولسىن»، «ۇيىمشىل سىنىپ ەكەن»، «سىيلاستىقتارىڭا سىزات تۇسپەسىن»، «ناعىز دوس دەپ وسىلاردى ايتساق بولادى»، «كەرەمەت»، «ايتارعا ءسوز جوق»، «بارىڭە اق جول»، «ومىردە جولدارىڭ بولسىن»، - دەپ جارىسا پىكىر جازۋدا.