قازاقستان قىرعىزستانعا مينەرالدى سۋ، ماي، قۇس ەتى مەن ماكارون ەكسپورتتايدى

None
None
بىشكەك. قازاقپارات - قازاقستان مەن قىرعىزستاننىڭ اۋىل شارۋاشىلىعى سالاسىنداعى ءوزارا ىنتىماقتاستىعى نىعايا تۇسەدى، دەپ حابارلايدى قازاقپارات.

ەستەرىڭىزگە سالا كەتەيىك، كەشە بىشكەكتە قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ قىرعىز رەسپۋبليكاسىنىڭ پرەزيدەنتى سادىر جاپاروۆپەن كەزدەستى.

مەملەكەت باسشىلارى اگروونەركاسىپتىك كەشەننىڭ ءبىرقاتار باعىتتارى بويىنشا: وسىمدىك شارۋاشىلىعى، مال شارۋاشىلىعى، ۆەتەريناريا، ا و ك مەحانيكالاۋ جانە اۆتوماتتاندىرۋ، وسىمدىكتەردىڭ كارانتينى، اۋىل شارۋاشىلىعى ونىمدەرىن قايتا وڭدەۋ، سونداي-اق اگرارلىق عىلىم سالاسىندا ىنتىماقتاستىق ورناتۋعا قىزىعۋشىلىق ءبىلدىردى. سالالىق ۆەدومستۆو باسشىلارى بىشكەكتە اۋىل شارۋاشىلىعى سالاسىنداعى ىنتىماقتاستىقتى تەڭدىك جانە ءوزارا تيىمدىلىك قاعيداتتارىندا دامىتۋ ءۇشىن قولايلى جاعداي جاساۋدى كوزدەيتىن مەموراندۋمعا قول قويدى.

ق ر اۋىل شارۋاشىلىعى ءمينيسترى ەربول قاراشوكەيەۆ ەكى ەل اراسىنداعى اۋىل شارۋاشىلىعى سالاسىنداعى ىنتىماقتاستىقتىڭ ەرەكشە ماڭىزى بار ەكەنىن اتاپ ءوتتى.

«ءبىز ەكى مينيسترلىكتىڭ بىرلەسكەن جۇمىسى ءۇشىن ءبىرىنشى كەزەكتەگى باسىمدىقتاردىڭ قاتارىندا ا و ك ونىمدەرىنىڭ ءوزارا ساۋدا كولەمىنىڭ ۇلعايۋىن كورىپ وتىرمىز. قازاقستان ۇن، وسىمدىك مايى، ماكارون ونىمدەرى، تاعامدىق جۇمىرتقا، ءسۇت ونىمدەرى، شوكولاد جانە كونديتەرلىك ونىمدەردى قىرعىزستانعا ءوزارا ءتيىمدى شارتتارمەن جەتكىزۋدى جالعاستىرۋعا مۇددەلى. ءوز تاراپىمىزدان قىرعىزستاننان ەرتە پىسەتىن كوكونىستەردى (كارتوپ، ءسابىز، پياز) ساتىپ الۋعا مۇددەلىمىز. ەلدەرىمىزدىڭ اراسىنداعى ساۋدانى ۇلعايتۋ، ونىڭ قۇرىلىمىن جاقسارتۋ، جەتكىزىلەتىن تاۋارلاردىڭ نومەنكلاتۋراسىن كەڭەيتۋ جونىندەگى جۇمىستى جالعاستىرۋدى ۇسىنامىز. وسى مەموراندۋمعا قول قويۋ ەكى ەلدىڭ اۋىل شارۋاشىلىعى سالاسىنداعى ىنتىماقتاستىقتى ودان ءارى دامىتۋعا ىقپال ەتەتىنىنە سەنىمدىمىن»، - دەدى ەربول قاراشوكەيەۆ.

ستاتيستيكالىق مالىمەتتەرگە سايكەس، 2022 -جىلعى قاڭتار- ناۋرىز ايلارىندا قازاقستان مەن قىرعىزستان اراسىنداعى اۋىل شارۋاشىلىعى ونىمدەرى مەن ولاردى قايتا وڭدەۋ ونىمدەرىنىڭ تاۋار اينالىمى 43,4 ميلليون ا ق ش دوللارىن قۇرادى. وسى ارالىقتا قازاقستاننان قىرعىزستانعا ەكسپورت كولەمى 28,7 ميلليون ا ق ش دوللار بولدى. ەكسپورتتىڭ نەگىزگى كولەمى - سۋ، ونىڭ ىشىندە مينەرالدى جانە گازدالعان سۋ، سونداي-اق جانۋارلار مەن وسىمدىك مايى، ماكارون ونىمدەرى، ءۇي قۇسىنىڭ ەتى مەن تاعامدىق قوسىمشا ونىمدەر، وسىمدىك مايى، نان مەن ۇن ونىمدەرى جانە باسقا دا ءبىرقاتار ونىمگە تيەسىلى. 2022 -جىلدىڭ قاڭتار- ناۋرىز ايلارىندا قىرعىزستاننان قازاقستانعا يمپورت كولەمى 14,7 ميلليون ا ق ش دوللارىن قۇرادى.


سوڭعى جاڭالىقتار