اقتوبەنىڭ باس دارىگەرى تۇرعىنداردى ۆاكسينا سالدىرۋعا شاقىردى

اقتوبە. قازاقپارات - اقتوبە وبلىستىق دەنساۋلىق ساقتاۋ باسقارماسىنىڭ باسشىسى رۇستەم يسايەۆ ۆاكسينانىڭ ءتورتىنشى كومپونەنتىن سالدىردى.

ول اقتوبەلىكتەردى يممۋنداۋ شاراسىنا قاتىسۋعا شاقىردى، دەپ حابارلايدى قازاقپارات ءتىلشىسى. قازاقستان بويىنشا ءاربىر 6 اي سايىن كوروناۆيرۋس ينفەكسياسىنا قارسى ۆاكسينا سالدىرۋعا رۇقسات بەرىلدى. اسىرەسە مەديتسينا قىزمەتكەرلەرى مەن پەداگوگتار، الەۋمەتتىك ورتالىق قىزمەتكەرلەرى، كۇشتىك قۇرىلىم مەن جاسى 50-دەن اسقان ادامدار يممۋنداۋ ءىس-شاراسىنا قاتىسۋى ءتيىس.

«قازىرگى كەزدە وبلىستا تۇرعىنداردىڭ %81,2 ۆاكسينانىڭ ءبىرىنشى كومپونەنتىن سالدىردى. ال %78,4 ەكى كومپونەنتىن دە قابىلدادى. سونىمەن بىرگە 180 مىڭنان استام ادام رەۆاكسيناتسيادان ءوتتى»، - دەدى وبلىستىق سانيتاريالىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى مۇحتار سەربايەۆ.

اقتوبەدە QazVac، Pfizer جانە Sinopharm ۆاكسينالارى قولجەتىمدى. وڭىردە بارلىعى 120 مىڭنان استام دوزا بار. قازىرگى كەزدە ەمحانالاردا ەكپە كابينەتتەرى جۇمىس ىستەپ تۇر. بۇگىن وبلىستىق دەنساۋلىق ساقتاۋ باسقارماسىنىڭ باسشىسى رۇستەم يسايەۆ №4-ەمحاناعا بارىپ، يممۋنداۋ ءىس- شاراسىنا قاتىستى.

«ۆاكسينانىڭ ءبىرىنشى جانە ەكىنشى كومپونەنتى سپۋتنيك V بولدى. 2021 -جىلدىڭ قاراشا ايىندا Sinopharm ەكپەسىن قابىلدادىم. ال بۇگىن Pfizer سالدىردىم. جاڭا قاۋلى بويىنشا الدىمەن اق حالاتتىلار ۆاكسينانىڭ ءتورتىنشى كومپونەنتىن سالدىرادى. قازىرگى كەزدە بىزدەگى ينفەكسيالىق اۋرۋحانادا 7 ادام ەم قابىلداپ جاتىر. بۇل كوروناۆيرۋس ينفەكسياسىنىڭ ءالى دە بار ەكەنىن كورسەتەدى. سوندىقتان ساقتانىپ، ۆاكسينا سالدىرۋعا شاقىرامىن»، - دەدى وبلىستىق دەنساۋلىق ساقتاۋ باسقارماسىنىڭ باسشىسى رۇستەم يسايەۆ.

ايتا كەتەيىك، وبىلستا 14 مىڭنان استام جاس ءوسپىرىم Pfizer ۆاكسيناسىنىڭ ءبىرىنشى كومپونەنتىن سالدىردى. ال 12 مىڭنان استامى ەكى كومپونەنتىن دە قابىلدادى.

اۆتور: التىناي ساعىندىقوۆا