قىرعىزستاندا قازاقستاندىق ۋنيۆەرسيتەتتىڭ فيليالى اشىلدى
26 مامىر 20:31

قىرعىزستاندا قازاقستاندىق ۋنيۆەرسيتەتتىڭ فيليالى اشىلدى

بىشكەك. قازاقپارات - قازاقستان پرەزيدەنتى قاسىم- جومارت توقايەۆ ءال- فارابي اتىنداعى قازاق ۇلتتىق ۋنيۆەرسيتەتى فيليالىنىڭ اشىلۋ راسىمىنە قاتىستى، دەپ حابارلايدى اقوردا.

قازاقستان پرەزيدەنتىنىڭ قىرعىزستانعا جاساعان رەسمي ساپارىنىڭ باعدارلاماسى قاسىم- جومارت توقايەۆ پەن سادىر جاپاروۆتىڭ بىشكەكتە ءال- فارابي اتىنداعى قازاق ۇلتتىق ۋنيۆەرسيتەتى فيليالىنىڭ اشىلۋ راسىمىنە قاتىسۋىمەن اياقتالدى.

ءال- فارابي اتىنداعى قازۇۋ رەكتورى جانسەيىت تۇيمەبايەۆ ەكى مەملەكەتتىڭ باسشىلارىنا ۋنيۆەرسيتەت اۋديتوريالارىن كورسەتە ءجۇرىپ، وقۋ ورداسىنىڭ ءبىلىم بەرۋ جانە عىلىمي جوبالارى، سونىڭ ىشىندە قىرعىز ستۋدەنتتەرى ءۇشىن گرانت ءبولۋ جوسپارى تۋرالى ايتتى.

ۋنيۆەرسيتەتتى ارالاپ كورۋ بارىسىندا پرەزيدەنتتەر جوعارى وقۋ ورنىنىڭ وقىتۋشى- پروفەسسورلار قۇرامىمەن جانە ق ا ز ۇ ۋ- ءدىڭ قىرعىزستاندىق تۇلەكتەرىمەن اڭگىمەلەستى. قاسىم- جومارت توقايەۆ «قۇرمەتتى قوناقتار كىتابىنا» قولتاڭباسىن قالدىردى.


جاڭالىقتار