رەسەي كومپانيالارى «استانا» قارجى ورتالىعىندا جۇمىس ىستەۋگە مۇددەلىلىك تانىتۋدا
بۇل تۋرالى بىشكەكتەگى ەۋرازيالىق ەكونوميكالىق فورۋمىنىڭ پلەنارلىق وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«وسى ورايدا بۇل ورتالىق وتە ءتيىمدى حالىقارالىق الاڭ بولىپ تۇر. ا ح ق و اعىلشىن قۇقىعىنا سايكەس قىزمەت ەتىپ جاتىر. اتاپ ايتقاندا، رەسەيلىك جانە باسقا دا كومپانيالار تاراپىنان حالىقارالىق قارجى ورتالىعىنىڭ جۇمىسىنا جوعارى قىزىعۋشىلىقتى بايقاپ وتىرمىز»، - دەدى قاسىم-جومارت توقايەۆ.
مەملەكەت باسشىسى بۇگىن بىشكەكتەگى ەۋرازيالىق ەكونوميكالىق فورۋمعا كەلگەندەردى «استانا» حالىقارالىق قارجى ورتالىعىنىڭ جۇمىسىمەن جان-جاقتى تانىسۋعا شاقىردى.
«رەسەيدەن قازاقستانعا 200 دەن استام كاسىپكەر كەلىپ، اتالعان قارجى ورتالىعىنىڭ الاڭىندا ورنالاستى. وسى ورايدا ءتيىستى ۆەدومستۆولاردىڭ باسشىلارىنا رەسەيلىك كاسىپكەرلەر ءۇشىن قولايلى جاعداي جاساۋ تۋرالى تاپسىرما بەردىم»، - دەدى قازاقستان پرەزيدەنتى.
بۇعان دەيىن حابارلاعانىمىزداي، قاسىم-جومارت توقايەۆ رەسمي ساپارمەن قىرعىزستانعا باردى.
قىرعىزستان پرەزيدەنتى «اق كەمە» ءمارمار شاتىرىندا قاسىم-جومارت توقايەۆتى رەسمي قارسى الدى.