قىرعىزستانداعى ەتنيكالىق قازاقتارعا ءبىلىم گرانتى بولىنەدى
بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ تەلەگرام كانالىندا جازدى.
«پرەزيدەنت قاسىم-جومارت توقايەۆ قىرعىزستانعا رەسمي ساپارى اياسىندا ەكى ەل اراسىندا ءبىلىم بەرۋ سالاسىنداعى ىنتىماقتاستىق تۋرالى ۇكىمەتارالىق كەلىسىمگە قول قويىلدى. بۇل قۇجات قازاقستان قىرعىزستان ازاماتى بولىپ سانالاتىن ەتنيكالىق قازاقتارعا 20 گرانت جانە قىرعىزستاننىڭ باسقا ازاماتتارىنا 30 گرانت ءبولۋدى كوزدەيدى. وسىعان دەيىن پرەزيدەنتتىڭ تۇركياعا مەملەكەتتىك ساپارى بارىسىندا ءبىلىم بەرۋ سالاسىنداعى ىنتىماقتاستىق تۋرالى ۇكىمەتارالىق كەلىسىمگە قول قويىلعان بولاتىن. سونىمەن قاتار قازىرگى ۋاقىتتا ءبىز ءبىرقاتار باسقا ەلمەن كەلىسىمدەرگە كەلۋ جانە ءبىلىم بەرۋ سالاسىندا ءوزارا ءىس-قيمىل جاساۋ جونىندە كەلىسسوزدەر جۇرگىزىپ جاتىرمىز»، - دەدى مينيستر.
بۇعان دەيىن حابارلاعانىمىزداي، قاسىم-جومارت توقايەۆ رەسمي ساپارمەن قىرعىزستانعا باردى.
قىرعىزستان پرەزيدەنتى «اق كەمە» ءمارمار شاتىرىندا قاسىم-جومارت توقايەۆتى رەسمي قارسى الدى.
قازاقستان پرەزيدەنتىنىڭ قىرعىزستانعا ساپارى بارىسىندا ءبىرقاتار قۇجاتقا قول قويىلدى.