سولتۇستىككە كوشەتىندەرگە اتاۋلى الەۋمەتتىك كومەك كولەمى وسەدى

نۇر-سۇلتان. قازاقپارات – ق ر پرەمەر-ءمينيسترىنىڭ ورىنباسارى ەرالى توعجانوۆ سولتۇستىك وڭىرلەرگە كوشۋدى قالايتىن ازاماتتارعا قانداي الەۋمەتتىك قولداۋ كورسەتىلەتىنىن ايتىپ بەردى، دەپ حابارلايدى قازاقپارات ءتىلشىسى.

ەرالى توعجانوۆتىڭ ايتۋىنشا، ەلىمىزدە Dauletten قايىرىمدىلىق قورىنىڭ جۇمىسى اياسىندا «بالا-شاعامەن سولتۇستىككە» جوباسى جۇزەگە اسىرىلۋدا.

ۆيتسە-پرەمەردىڭ مالىمەتىنشە، جوبا اياسىندا 1300 ادام وڭتۇستىكتەن سولتۇستىك وڭىرلەرگە كوشۋگە ءوتىنىش بىلدىرگەن.

نەگىزىنەن تۇركىستان وبلىسىنىڭ، سونداي-اق ماڭعىستاۋ وبلىسىنىڭ تۇرعىندارى جۇگىنۋدە.

«بۇل باعىتتا كوشۋگە جاعداي جاساۋ بويىنشا ناقتى جۇمىستار جۇرگىزىلۋدە. قىزىقتى تەتىكتەردىڭ ءبىرى - جامبىل وبلىسىنىڭ تاجىريبەسى بويىنشا كووپەراتيۆتەر قۇرۋ مۇمكىندىگى بولادى. كووپەراتيۆكە كىرەتىن بارلىق ادامداردىڭ بەلگىلى ءبىر جەڭىلدىكتەرى، سونىڭ ىشىندە مەملەكەتتىڭ سۋبسيديالاۋى، بەلگىلى ءبىر تەحنولوگيالاردى ساتىپ الۋ، بەلگىلى ءبىر جەڭىلدىكتى-كرەديتتىك رەسۋرستاردى الۋى بولادى»، - دەدى ەرالى توعجانوۆ سەناتتا تىلشىلەرگە بەرگەن سۇحباتىندا.

سونىمەن بىرگە ە. توعجانوۆتىڭ ايتۋىنشا، قونىس اۋدارۋشىلاردى قولداۋ بويىنشا تاعى ءبىر الەۋمەتتىك شارا - سولتۇستىككە كوشۋگە نيەت بىلدىرگەندەر ءۇشىن ا ا ك مولشەرىن ۇلعايتۋ قاراستىرىلىپ جاتىر.

«مۇنى پارلامەنتكە ەنگىزەمىز دەپ ويلايمىن. سولتۇستىككە كوشۋگە نيەت بىلدىرگەندەر ءۇشىن اتاۋلى الەۋمەتتىك كومەك مولشەرى ۇلعايۋى مۇمكىن. بۇل ۇسىنىس تالقىلانىپ جاتىر، ونى ەڭبەك جانە الەۋمەتتىك قورعاۋ مينيسترلىگىنە ەنگىزدىك. ءبىلىم مينيسترلىگىنىڭ «سەرپىن» باعدارلاماسى، «بالا - شاعامەن سولتۇستىككە» جوباسى بار. الەۋمەتتىك كودەكس اياسىندا دا جوبالار تالقىلانادى»، - دەدى ەرالى توعجانوۆ.

ونىڭ ايتۋىنشا، قونىس اۋدارۋشىلارعا الەۋمەتتىك قولداۋ كورسەتۋ شەشىم جىل سوڭىنا دەيىن قابىلدانۋى مۇمكىن.