ءار مەملەكەت ماسەلەنىڭ وزدەرى قاجەت دەپ ەسەپتەيتىن جولمەن شەشىلگەنىن قالايدى – توقايەۆ

None
None
نۇر-سۇلتان. قازاقپارات - ەۋرازيالىق ەكونوميكالىق وداق قازىرگىدەي كۇردەلى گەوياساياسي احۋال كەزىندە ءوزىنىڭ تيىمدىلىگىن كورسەتتى.

مەملەكەت باسشىسى قاسىم-جومارت توقايەۆ ەۋرازيالىق ەكونوميكالىق كوميسسيانىڭ جالپى وتىرىسىندا وسىنداي پىكىر ءبىلدىردى، دەپ حابارلايدى قازاقپارات ءتىلشىسى.

«ەۋرازيالىق ەكونوميكالىق وداق وسى بىرلەستىككە قاتىسۋشى مۇشە ەلدەردىڭ اراسىندا ەركىن ساۋدانى دامىتۋ ءۇشىن قۇرىلعان بولاتىن. بۇگىن ءبىز وسى ماقساتقا جەتۋ جولىندا قانشالىقتى تابىستى بولدى دەگەن سۇراق قويا الامىز. مەن «جاعىمدى» دەپ جاۋاپ بەرەر ەدىم. ءيا، ەۋرازيالىق ەكونوميكالىق وداق ونىڭ ىشىندە قازىرگىدەي كۇردەلى گەوياساياسي احۋال كەزىندە شىنىمەن دە ءوزىنىڭ تيىمدىلىگىن كورسەتتى»، - دەدى قاسىم-جومارت توقايەۆ.

قازاقستان باسشىسىنىڭ پايىمىنشا، كەيدە وداقتا پروبلەمالىق ماسەلەلەر تۋىنداپ جاتادى.

«كەيدە ءبىزدىڭ وداقتا ەۋروپالىق وداق سياقتى باسقا دا جەر شارىنداعى ەكونوميكالىق ۇيىمدارداعى سياقتى پروبلەمالىق ماسەلەلەر تۋىنداپ جاتادى. ءار مەملەكەت ءوز ۇلتتىق مۇددەسى تۇرعىسىنان قاراپ، ءار مەملەكەت ماسەلەنىڭ وزدەرى قاجەت دەپ ەسەپتەيتىن جولمەن شەشىلگەنىن قالايدى. بۇل كەز كەلگەن حالىقارالىق ۇيىمداعى قالىپتى جاعداي. اسىرەسە ساۋدا ماسەلەسىمەن اينالىساتىن ۇيىمداردا سولاي. تۇپتەپ كەلگەندە حالىقتارىمىزدىڭ، ادامدارىمىزدىڭ ءومىرى ساۋدا-ساتتىقپەن بايلانىستى. سول ءۇشىن دە قازىر ميحايل ۆلاديميروۆيچ مياسنيكوۆيچ باسقارىپ وتىرعان ەۋرازيالىق كەونوميكالىق كوميسسيا قۇرىلعان بولاتىن»، - دەدى پرەزيدەنت.

ايتا كەتەيىك، پرەزيدەنت قاسىم-جومارت توقايەۆ قىرعىزستاندا رەسمي ساپارمەن ءجۇر.


سوڭعى جاڭالىقتار