ماقساتىم - حالقىمىزعا جارقىن بولاشاقتىڭ جولىن اشىپ بەرۋ - پرەزيدەنت
«5- ماۋسىمدا قازاقستاندا وتە ماڭىزدى ءارى تاريحي ءىس-شارا وتكىزىلمەك. بۇل - كونستيتۋتسيامىزعا وزگەرىستەر ەنگىزۋگە ارنالعان جالپىحالىقتىق رەفەرەندۋم. قازاق حالقى ءوز تاريحىنداعى شەشۋشى كەزەڭگە كەلدى دەپ ايتساق ارتىق بولمايدى. جاڭا قازاقستان، ياعني ەكىنشى رەسپۋبليكا - بۇل شىن مانىندەگى دەموكراتيالىق قوعام دەگەن ءسوز. پرەزيدەنتتىك جۇيە ساقتالعانىمەن، پارلامەنتتىڭ ءرولى جانە ىقپالى ەداۋىر كۇشەيتىلەدى. حالقىمىزدىڭ ءۇنى جانە پىكىرى انىق ەستىلەتىن بولادى. مەن پرەزيدەنت رەتىندە وسى قۇقىقتىق رەفورمادان ەشقانداي ارتىقشىلىققا ءيا جەڭىلدىككە يە بولمايمىن. ماقساتىم - بۇكىل قوعامدا وڭ وزگەرىستەر جاساۋ، حالقىمىزعا جارقىن بولاشاقتىڭ جولىن اشىپ بەرۋ»، - دەدى مەملەكەت باسشىسى.
بۇعان دەيىن حابارلاعانىمىزداي، قاسىم-جومارت توقايەۆ رەسمي ساپارمەن قىرعىزستانعا باردى.
قىرعىزستان پرەزيدەنتى «اق كەمە» ءمارمار شاتىرىندا قاسىم-جومارت توقايەۆتى رەسمي قارسى الدى.
قازاقستان مەن قىرعىزستان پرەزيدەنتتەرى شاعىن قۇرامدا كەلىسسوز جۇرگىزدى.
شاعىن فورماتتا وتكەن كەزدەسۋدەن كەيىن ەكى مەملەكەتتىڭ رەسمي دەلەگاتسيالارىنىڭ قاتىسۋىمەن كەڭەيتىلگەن قۇرامدا كەلىسسوز جۇرگىزدى.
قازاقستان پرەزيدەنتىنىڭ قىرعىزستانعا ساپارى بارىسىندا 10 قۇجاتقا قول قويىلدى. قاسىم-جومارت توقايەۆ پەن سادىر جاپاروۆ ب ا ق وكىلدەرى ءۇشىن بريفينگ وتكىزدى.