بەلگىلى اقىننىڭ ۇلى اكىم بولىپ تاعايىندالدى

نۇر-سۇلتان. قازاقپارات - الماتى قالاسى مەدەۋ اۋدانىنىڭ جاڭا اكىمى تاعايىندالدى. بۇل تۋرالى الماتى اكىمدىگىنىڭ باسپا ءسوز قىزمەتى حابارلادى.

«الماتى اكىمى ەربولات دوسايەۆتىڭ وكىمىمەن ق ر پرەزيدەنتى اكىمشىلىگىنىڭ جانە الماتى قالاسى ءماسليحاتىنىڭ كەلىسىمى بويىنشا مەدەۋ اۋدانىنىڭ اكىمى بولىپ ەركەبۇلان نۇرلان ۇلى ورازالين تاعايىندالدى»، - دەلىنگەن اكىمدىك تاراتقان حابارلامادا.

ول بۇعان دەيىن الماتى قالالىق اكىمدىگى كاسىپكەرلىك جانە ينۆەستيتسيالار باسقارماسىنىڭ باسشىسى قىزمەتىن اتقارىپ كەلگەن بولاتىن.

- ونىڭ باسشىلىعىمەن كاسىپكەرلىك جانە ينۆەستيتسيالار باسقارماسى قالامىزداعى شاعىن جانە ورتا بيزنەستى قالپىنا كەلتىرۋ بويىنشا ۇلكەن جۇمىس جۇرگىزدى. اتالعان ءتيىمدى جۇمىستىڭ ارقاسىندا مەملەكەت باسشىسىنىڭ زارداپ شەككەن شوب سۋبەكتىلەرىنە كەلتىرىلگەن زالالدى وتەۋ جونىندەگى تاپسىرماسى ورىندالدى. جالپى، زارداپ شەككەن كاسىپكەرلەردىڭ %97 ءوز قىزمەتىن قالپىنا كەلتىردى، بيىلعى جىلدىڭ 20-مامىرىندا قۇنى 14082240817 تەڭگە بولاتىن 1568 ءوتىنىم ماقۇلداندى. وسى كۇردەلى كەزەڭدە ەركەبۇلان ورازالين ءوزىن جاۋاپتى جانە بىلىكتى مامان رەتىندە ءارى جوعارى ۇيىمداستىرۋشىلىق قابىلەتى مەن ىسكەرلىك قاسيەتتەرىن كورسەتتى، - دەدى الماتى اكىمى ەربولات دوسايەۆ مەدەۋ اۋدانىنىڭ جاڭا اكىمىن تانىستىرۋ كەزىندە.

ەركەبۇلان ورازالين ەڭبەك جولىن 2002 -جىلى الماتى قالاسى اقپاراتتىق-تالداۋ ورتالىعى اقپاراتتىق- كوممۋنيكاتيۆتىك ءبولىمىنىڭ ساراپشىسى قىزمەتىنەن باستادى.

2005-2007 -جىلدارى قازاقستان رەسپۋبليكاسى تۇڭعىش پرەزيدەنتى قورى جانىنداعى الەمدىك ەكونوميكا جانە ساياسات ينستيتۋتىنىڭ ساراپشىسى بولىپ جۇمىس ىستەدى.

2010-2012 -جىلدارى الماتى قالاسىنىڭ وڭىرلىك دامۋ الەۋمەتتىك- كاسىپكەرلىك كورپوراتسياسىنىڭ ينۆەستيتسيالار جونىندەگى دەپارتامەنتىنىڭ ديرەكتورى بولدى.

2012 -جىلدان 2016 -جىلدار ارالىعىندا الماتى قالاسى تابيعي رەسۋرستار جانە تابيعات پايدالانۋدى رەتتەۋ باسقارماسى باستىعىنىڭ ورىنباسارى، باسشىسى قىزمەتىن اتقاردى.

2016-2019 -جىلدارى الماتى قالاسى اۋەزوۆ اۋدانى اكىمىنىڭ ورىنباسارى بولىپ جۇمىس ىستەدى، الەۋمەتتىك سالا جانە كاسىپكەرلىك ماسەلەلەرىنە جەتەكشىلىك جاسادى.

2019 -جىلدان باستاپ الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى قىزمەتىن اتقاردى.