مينيسترلەردىڭ حالىقپەن كەزدەسۋىنىڭ بيىلعا ارنالعان كەستەسى بەكىتىلدى
ۇكىمەت باسپا ءسوز قىزمەتىنىڭ مالىمەتىنشە، مەملەكەت باسشىسى قاسىم-جومارت توقايەۆ ۇكىمەت مۇشەلەرىنە وڭىرلەرگە بارىپ ەسەپ بەرۋدى، قازاقستاندىقتاردى ەلىمىزدە جۇرگىزىلىپ جاتقان رەفورمالار تۋرالى حاباردار ەتۋدى، اتقارۋشى ورگانداردىڭ ەل تۇرعىندارى الدىندا ەسەپ بەرۋى مەن جاۋاپكەرشىلىگىن كۇشەيتۋدى، حالىقتى مەملەكەتتىك باسقارۋ پروتسەسىنە كەڭىنەن تارتۋدى تاپسىرعان. اتالعان كەزدەسۋلەر كەزىندە مينيسترلەر ءوز سالاسى بويىنشا ازاماتتاردى جەكە قابىلدايدى.
ءبىرىنشى كەزەكتە جەرگىلىكتى دەڭگەيدە شەشىمىن تاپپاعان جانە ۆەدومستۆوارالىق تاسىلدەردى قولدانۋدى تالاپ ەتەتىن پروبلەمالىق ماسەلەلەر قارالادى. نەگىزگى جاڭالىق - كەزدەسۋدىڭ كەمىندە %75 ى «سۇراق- جاۋاپ» فورماتىندا وتەدى. مينيسترلەر كەزدەسۋلەردىڭ قورىتىندىسى مەن حالىقتىڭ پروبلەمالىق ماسەلەلەرى بويىنشا قابىلدانعان شەشىمدەر تۋرالى ۇكىمەتتە ەسەپ بەرۋى ءتيىس. ورتالىق مەملەكەتتىك ورگاندار باسشىلارىنىڭ كەزدەسۋ كەستەسىمەن تولىعىراق مىنا سىلتەمەدە تانىسۋعا بولادى.