شىمكەنتتە بەلگىسىز بىرەۋ بالالى ايەلدى ليفتىدە زورلاماق بولدى
ەستەرىڭىزگە سالا كەتەيىك، 25-مامىردا شىمكەنت قالاسى قاراتاۋ پوليتسياسىنا جەرگىلىكتى تۇرعىننان ارىز ءتۇستى. ايەل ءوز شاعىمىندا ءۇيدىڭ ليفتىندە بەلگىسىز ادامنىڭ زورلاۋعا وقتالعانىن ايتتى. اتالعان جايتتى پوليتسيا قىزمەتكەرلەرى ق ر ق ك 24-120-بابى بويىنشا تىركەۋگە الدى. جاسالعان قىلمىستىڭ اۋىرلىعى مەن كۇدىكتىنىڭ باتىلدىعىن ەسكەرە وتىرىپ، پوليتسيا دەپارتامەنتى ەر ادامنىڭ جەكە باسىن انىقتاۋعا جانە ونى ۇستاۋعا باعىتتالعان تاجىريبەلى جەدەل ۋاكىلدەردەن تۇراتىن ارنايى توپ قۇردى. ءىس پوليتسيا دەپارتامەنتى باسشىلىعىندا ەرەكشە باقىلاۋعا الىندى. جەدەل-ىزدەستىرۋ شارالارى بارىسىندا پوليتسيا قىزمەتكەرلەرى بىرنەشە ساعات ىشىندە كۇدىكتىنىڭ كىم ەكەنىن انىقتادى. ول جاس جىگىت مەگاپوليس تۇرعىنى بولىپ شىقتى. جەدەل توپ وكىلدەرى ونى قىلمىستىق جاۋاپكەرشىلىكتەن قاشپاق بولعان جەرىنەن شيەلى بەكەتىندەگى پوەزد ۆاگوندارىنىڭ بىرىندە قۇرىقتادى. ول تۇندە قاراتاۋ اۋداندىق پوليتسيا باسقارماسىنا جەتكىزىلدى. قازىرگى تاڭدا سوتقا دەيىنگى تەرگەۋ امالدارى ءجۇرىپ جاتىر. كۇدىكتى قاماۋدا. پوليتسەيلەر وقيعانىڭ ءمان- جايىن انىقتاپ جاتىر.