الداعى رەفەرەندۋم - بۇل حالىق بيلىگىنىڭ جارقىن كورىنىسى - سەناتور
بۇل تۋرالى قازاقپارات ق ر پارلامەنتى سەناتىنىڭ باسپا ءسوز قىزمەتىنە سىلتەمە جاساپ حابارلايدى. سەناتورلار كەزدەسۋگە قاتىسۋشىلارعا ەلىمىزدىڭ نەگىزگى زاڭىنا ەنگىزۋگە ۇسىنىلعان تۇزەتۋلەر تۋرالى ەگجەي- تەگجەيلى ايتىپ بەردى. دەپۋتاتتار كونستيتۋتسيانى وزگەرتۋ تۋرالى شەشىمنىڭ ەلىمىزدىڭ ءاربىر ازاماتى ءوز تاڭداۋىن جاساي الاتىن جالپى رەسپۋبليكالىق رەفەرەندۋمدا قابىلدانۋى ماڭىزدى ەكەنىن ەرەكشە اتاپ ءوتتى.
«الداعى رەفەرەندۋم - بۇل حالىق بيلىگىنىڭ جارقىن كورىنىسى، ءاربىر قازاقستاندىق ءوزىنىڭ ازاماتتىق ۇستانىمىن ءبىلدىرۋ ارقىلى جاڭا قازاقستاندى قۇرۋعا قوسقان ناقتى ۇلەسىن كورسەتەدى»، - دەپ اتاپ ءوتتى سەناتور ءالي بەكتايەۆ. وقىتۋشىلار مەن ستۋدەنتتەر كەزدەسۋ بارىسىندا جاستاردىڭ جۇمىسسىزدىعى، جاتاقحانانىڭ جەتىسپەۋى، قازاق ءتىلىنىڭ قولدانىلۋ اياسىن كەڭەيتۋ جانە ونى مەملەكەتتىك ورگانداردا پايدالانۋعا قاتىستى وزدەرىن تولعاندىرعان سۇراقتارعا جاۋاپ الدى. دەپۋتاتتار كەزدەسۋدەن كەيىن جوعارعى وقۋ ورنىنىڭ ماتەريالدىق- تەحنيكالىق بازاسىمەن جانە ستۋدەنتتەردى وقىتۋ پروتسەسىمەن تانىستى.