وزبەكستاندا گەواقپاراتتىق تەحنولوگيالار ورتالىعى قۇرىلادى
25 مامىر 22:52

وزبەكستاندا گەواقپاراتتىق تەحنولوگيالار ورتالىعى قۇرىلادى

تاشكەنت. ءو ز ا - قازاقپارات - وزبەكستاندا عارىشتىق مونيتورينگ جانە گەواقپاراتتىق تەحنولوگيالار ورتالىعى قۇرىلادى.

بۇل تۋرالى قازاقپارات ءو ز ا سىلتەمە جاساپ حابارلايدى.

وزبەكستان مينيسترلەر كابينەتىنىڭ حابارلاۋىنشا، ورتالىق سپۋتنيكتىك قۇرىلعىلار ارقىلى جەردى قاشىقتىقتان زوندتاۋ، ونىڭ دەرەكتەرىن قابىلداۋ، ساقتاۋ، وڭدەۋ جانە تاراتۋ، عارىشتىق سالاعا قاتىستى قىزمەتتەر كورسەتۋ، عارىشتىق سالاعا عىلىمي-يننوۆاتسيالىق تەحنولوگيالاردى كەڭىنەن تارتۋ ماقساتىندا وسى سالاداعى عىلىمي-يننوۆاتسيالىق جۇمىستاردى جۇزەگە اسىرۋ، عارىشتىق جانە گەواقپاراتتىق تەحنولوگيالاردى، سونداي-اق ۇشقىشسىز ۇشۋ اپپاراتتارىن پايدالانۋ ارقىلى ەكونوميكانىڭ، قورعانىس جانە قاۋىپسىزدىك سەكتورلارىنىڭ جانە وڭىرلەردىڭ الەۋمەتتىك-ەكونوميكالىق قىزمەتىنىڭ تيىمدىلىگىن ارتتىرۋعا جاردەمدەسۋ باعىتتارىندا جۇمىس ىستەمەك.

عارىشتىق مونيتورينگ جانە گەواقپاراتتىق تەحنولوگيالار ورتالىعى مەملەكەتتىك ورگاندار مەن ۇيىمدارعا، بيزنەس-قاۋىمداستىقتارعا، جەرگىلىكتى بيلىك ورگاندارىنا، جەكە جانە زاڭدى تۇلعالارعا عارىشتىق مونيتورينگ، قاشىقتىقتان زوندتاۋ دەرەكتەرى جانە باسقا دا عارىش قىزمەتتەرىن سپۋتنيكتىك جانە ۇشقىشسىز ۇشۋ اپپاراتتارى ارقىلى قامتاماسىز ەتەدى.


جاڭالىقتار