الماتىداعى حالىققا قىزمەت كورسەتۋ ورتالىعى تولەمدەردى زاڭسىز العان

الماتى. قازاقپارات - الماتى قالاسىنىڭ پروكۋراتۋراسى حالىقتىڭ الەۋمەتتىك وسال توپتارىنان قۇجاتتاۋ قىزمەتتەرى ءۇشىن مەملەكەتتىك باجدى الۋ زاڭدىلىعىنا تالداۋ جۇرگىزدى، دەپ حابارلايدى قازاقپارات ءتىلشىسى.

قاداعالاۋ ورگانىنىڭ مالىمەتىنشە، سالىق جانە بيۋجەتكە تولەنەتىن باسقا دا مىندەتتى تولەمدەر تۋرالى» ق ر كودەكسىنىڭ 622-بابىنا سايكەس قازاقستان رەسپۋبليكاسى ازاماتتارىنىڭ پاسپورتتارى مەن جەكە كۋالىكتەرى، سونداي-اق شەتەل ازاماتىنىڭ قازاقستان رەسپۋبليكاسىندا تۇرۋىنا ىقتيارحات جانە ازاماتتىعى جوق ادامنىڭ كۋالىكتەرى بەرىلگەن كەزىندە ادامداردىڭ بەلگىلى ءبىر ساناتى مەملەكەتتىك باج تولەۋدەن بوساتىلدى.

«ولارعا سوعىس ارداگەرلەرى، ولارعا تەڭەستىرىلگەن ادامدار؛ مۇگەدەكتەر؛ قارتتار مەن مۇگەدەكتەرگە ارنالعان جالپى ۇلگىدەگى مەديتسينالىق-الەۋمەتتىك مەكەمەلەردە تۇراتىن قارتتار؛ بالالار ۇيلەرىندە جانە (نەمەسە) ينتەرناتتاردا تۇراتىن جەتىم بالالار مەن اتا-اناسىنىڭ قامقورلىعىنسىز قالعان بالالار؛ جەتىم بالالار مەن اتا-اناسىنىڭ قامقورلىعىنسىز قالعان بالالار؛ «باتىر انا» اتاعىنا يە بولعان، «التىن» جانە «كۇمىس» القامەن ناگرادتالعان كوپبالالى انالار جاتادى»، - دەپ حابارلادى پروكۋراتۋرادان.

قاداعالاۋ ورگانى، تالداۋ جۇرگىزۋ بارىسىندا ح ق ك و- دا الەۋمەتتىك وسال ساناتتاعى 400 دەن استام تۇلعادان 22 مىڭ تەڭگەگە دەيىن مەملەكەتتىك باج نەگىزسىز الىنعانىن انىقتادى.

المالى اۋدانىنىڭ پروكۋراتۋراسى «ازاماتتارعا ارنالعان ۇكىمەت» ك ە ا ق اتىنا زاڭدىلىقتى بۇزۋشىلىقتى جويۋ تۋرالى ۇسىنىس ەنگىزدى.

«ونى قاراۋ قورىتىندىسى بويىنشا اقشانى قايتارۋ بويىنشا شارالار قابىلدانۋدا، ك ە ا ق باسشىلىعى تارتىپتىك جاۋاپكەرشىلىككە تارتىلدى»، - دەپ اتاپ ءوتتى ۆەدومستۆادان.