تۇسىڭىزدە نارەستە كورۋ قانداي ماعىنانى بىلدىرەدى
25 مامىر 21:22

تۇسىڭىزدە نارەستە كورۋ قانداي ماعىنانى بىلدىرەدى

نۇر-سۇلتان. قازاقپارات - نارەستە - جارقىن بولاشاق پەن ءۇمىتتىڭ نىشانى.

الايدا تۇسكە ءسابي كىرسە، ول كەي جاعدايدا جاقسىلىقتىڭ بەلگىسى بولمايدى ەكەن.

سونىمەن تۇسىڭىزدە نارەستە كورسەڭىز نەنى بىلدىرەدى؟

بۇگىنگى ماتەريالدا وسى جونىندە تولىق باياندايتىن بولامىز.

ۆانگانىڭ ءتۇس جورامالى

بولگار ەلىنىڭ ايگىلى كورىپكەلى ۆانگا ادامداردىڭ جەكە ومىرىنە قاتىستى ءوز بولجامدارىن ايتىپ قانا قويماي، ءتۇس تە جورىعان. ول سونداي-اق تۇسكە نارەستە كىرسە، نەنى بىلدىرەتىنىن ايتىپ كەتكەن.

ونىڭ ءتۇس جورامالدارىندا جەكەلەي ادامنىڭ تۇسىنە شاقالاق كىرسە نەنى بىلدىرەتىنىن ءارى جاھاندا نە بولاتىنى جايلى ايتىلعان.

تۇستە كوپ نارەستەنى كورۋ الەمدە بالا تۋۋ كورسەتكىشىنىڭ ارتانىنىن بىلدىرەدى. سونىمەن بىرگە بۇل تۇسىنە ءسابي كىرگەن ادامدى ازداعان قيىندىقتار كۇتىپ تۇر دەگەن ماعىنانى بىلدىرەدى ەكەن.

تاعى ءبىر ايتا كەتەرلىگى، اتالعان ماسەلەنى ايتارلىقتاي ۇلكەن بولماسا دا، ادام ونى شەشۋ ءۇشىن، كوپ ۋاقىتى مەن كۇش-جىگەرىن جۇمسايتىن بولادى ەكەن.

تۇستە نارەستە قاتتى جىلاپ جاتسا - ءسىزدىڭ نەمەسە تۋىستارىڭىزدىڭ بالالارى تۋدىراتىن قيىندىقتاردىڭ بەلگىسى بولماق.

ال تۇسكە ءسابي كىرۋگە جاھاندىق ماعىنا بەرەتىن بولساق، ول سوعىستىڭ باستالۋىن بىلدىرەدى.

دەنساۋلىعىندا اقاۋى بار بالا تۇسكە كىرسە، ول اينالاڭىزداعى جايتتارعا ويلاناتىن ۋاقىت كەلدى دەگەن ماعىنانى بىلدىرەدى.

سونىمەن بىرگە مۇنداي ءتۇس زياندى ادەتتەر ادام دەنساۋلىعىنا زالال كەلتىرەتىنىن ءارى باسقالارعا جايسىزدىق تۋدىراتىنىن ايعاقتايدى.

ەگەر ءسىز سالاۋاتتى ءومىر سالتىن ۇستاناتىن جان بولساڭىز، وندا مۇنداي ءتۇس الداعى ۋاقىتتا ەكولوگيالىق اپات بولاتىنىن بولجايدى.

ەگەر باسقا ءبىر ادامنىڭ سابيىمەن ويناپ وتىرساڭىز، وندا ءسىز ومىرىڭىزگە ءلاززات سىيلامايتىن جۇمىسپەن قوش ايتىسىپ، كەرىسىنشە ءسىزدى باقىتتى ەتەتىن ءارى كوپ تابىس اكەلەتىن جۇمىس تاباسىز دەگەن ءسوز.

تۇسىڭىزدە نارەستەنى ىزدەپ جۇرسەڭىز - ومىرىڭىزدە ءسىزدى سىنايتىن تاعى دا كوپتەگەن پروبلەمالاردىڭ ورىن الۋى مۇمكىن دەگەن بولجام بار.

ال ەگەر تۇسىڭىزدە بالانىڭ بەتىنە قاراپ، وندا ءوزىڭىزدى كورسەڭىز، ءوز ارەكەتىڭىزدى سۇزگىدەن وتكىزگەنىڭىز ابزال. سونداي-اق ءوزىڭىزدى بالا قالپىندا ۇستاۋ سياقتى قىلىقتان ارىلۋ قاجەت دەگەن قورىتىندىعا كەلىڭىز.

ەگەر نارەستەنى ەمىزىپ وتىرساڭىز - وندا ومىرىڭىزدە قۋانىشتى جاڭالىق بولادى. ال ەگەر ەمىزىپ وتىرعان بالاڭىز بوتەن ادامنىڭ بالاسى بولسا، وندا ومىرىڭىزدە قيىندىقتار تۋىنداۋى ابدەن مۇمكىن.

ميللەردىڭ ءتۇس جورامالى

گۋستاۆ ميللەردىڭ ءتۇس جورامالدارىندا تۇسكە بوپەنىڭ كىرۋى جاقسىلىقتىڭ جارشىسى رەتىندە سيپاتتالادى: تۇسكە نارەستەنىڭ كىرۋى - ومىردە كوپ ۇزاماي جاقسى جاڭالىق بولادى دەگەن ءسوز.

ەگەر تۇسىڭىزدە بوپەنى سۋعا ءتۇسىرىپ جاتساڭىز، وندا بۇرىننان شەشە الماي كەلە جاتقان ماسەلەڭىز شەشىلەدى دەگەن ماعىنانى بىلدىرەدى.

ەگەر تۇسىڭىزدە ءسابيدى ءسۇيىپ جاتساڭىز - وندا قارتايعان شاعىڭىزعا دەيىن ءوزىڭىزدىڭ فيزيكالىق قالپىڭىزدى ساقتايسىز دەگەن ماعىنانى بىلدىرەدى.

تۇسىڭىزدە بالاقاي ۇيىقتاپ جاتسا، وندا ۇيىڭىزدە بەيبىت ءومىر مەن تىنىشتىق ورنايدى. ال تۇسىڭىزدە بالا شەتىنەپ كەتسە، وندا جاماندىقتىڭ بەلگىسى.

فرەيدتىڭ ءتۇس جورامالى پسيحولوگ ءارى پسيحواناليزدىڭ نەگىزىن قالاۋشى زيگمۋند فرەيد تۇسكە نارەستە كىرۋدە تومەندەگىدەي بولجاعان:

تۇستە سابيمەن ويناساڭىز - وزىڭىزگە دەگەن سەنىم ارتادى. ءسابيدى ومىرىنە قاۋىپ توندىرەيتىندەي قيىن جاعدايدان قۇتقارساڭىز - جاقىن ارادا ءوزىڭىز ءسابيلى بولاسىز.

نوتردامۋستىڭ ءتۇس جورامالى

ۆانگا سياقتى نوتردامۋس تا تۇسكە ءسابي كىرۋدى جاھاندىق ماعىنادا دا بولجاعان:

ەگەر ءسابيدى جانۋار تىستەپ السا - ءوز تاراپىنا شىعارعىسى كەلەتىن، انتيحريستپەن كەزدەسەسىز.

ەگەر مۇگەدەكتىگى بار بالا كىرسە - جاقىنىڭىز كومەككە مۇقتاج دەگەن ءسوز. سونىمەن بىرگە مۇنداي ءتۇس اتموسفەرانىڭ لاستانۋىنا بايلانىستى ورىن الاتىن جاھاندىق اپاتپەن بايلانىستىرىلادى.

اياق-قولى جوق ءسابي كورسەڭىز - الەمدە فيزيكالىق تۇرعىدا جەتىلمەگەن ءارى پسيحيكالىق اۋىتقۋلارى بار بالالاردىڭ كوپتەپ دۇنيەگە كەلۋىن بىلدىرەدى.

بالانى قولىڭىزدا ۇستاپ تۇرساڭىز - قانداي دا ءبىر ماسەلەگە تاپ بولاسىز. ەگەر تۇستە ءسابي قۇلاپ جاتقان ايەلدىڭ قولىندا بولسا - وندا ادامزاتتى قاۋىپتى دەرتتىڭ سالدارىنان بولاتىن كوپ ءولىم-ءجىتىم كۇتىپ تۇر.

ءۇمىت سونە باستاعان ساتتە، ىندەتتەن قورعايتىن ءدارى ويلاپ تاباتىن ادام پايدا بولماق.

تۇستە بوپە جىلاپ جاتسا - الدا بولاتىن قيىندىقتىڭ بەلگىسى. ەگەر تۇستە كۇلىمسىرەپ تۇرعان بالاقاي كورسەڭىز - الەمدە سوعىستىڭ ءبىتۋىن بىلدىرەدى.

ەگەر تۇسىڭىزگە كىرگەن بالادان ءوزىڭىزدى كورسەڭىز - وندا ومىرىڭىزدەگى باسىمدىق بەرىلەتىن جايتتارعا قايتا قاراۋعا تۋرا كەلەدى.

يسلامداعى ءتۇس جورامالى نە دەيدى؟

يسلامداعى ءتۇس جورامال بويىنشا تۇسكە ءسابي كىرۋ جاقسىلىقتىڭ ءيا جاماندىقتىڭ بەلگىسى:

تۇستە دەنى ساۋ بالانى كورۋ - ومىردەگى باستى ماسەلەلەرىڭىز شەشىلەدى، سونداي-اق ماحابباتتاعى قارىم-قاتىناسىڭىز جاقسى جاققا قاراي وزگەرەدى.

تۇستە سىرقات ءسابي كورۋ - جاماندىقتىڭ بەلگىسى.

ءسابيدى قولدا ۇستاۋ - جەكە مۇلىك الۋدىڭ بەلگىسى.

تۇستە نارەستەلى بولعانىڭىزدى كورسەڭىز - قيىندىقتار تۋىندايدى دەپ ويلاي بەرىڭىز.

تسۆەتكوۆتىڭ ءتۇس جورامالى

ءتۇس جورۋشى ەۆگەني تسۆەتكوۆ تۇسكە ءسابي كىرۋ جونىندە بىلاي دەيدى:

قولاربادا جاتقان بوپەنى كورسەڭىز - ءسىزدى تاڭ قالدىراتىن جاڭالىق ەستيسىز دەگەن ءسوز.

ەگەر شاقالاقتىڭ ۇستىندە كيىم بولماسا، وندا ومىرىڭىزدە قيىندىقتار بولادى.

تۇستە سۇيكىمدى بالاقاي كورۋ - ومىردە جاعىمدى جاڭالىقتار بولادى. ال ءۇستى-باسى لاس، سۇيكىمسىز بالاقاي - قيىندىقتاردىڭ بەلگىسى.

تۇستە ءسابيدى سۇيسەڭىز - ءومىرىڭىز ءبىرقالىپتى ءارى تىنىش وتەدى.

تۇستە قىز بالانى ەمىزىپ وتىرساڭىز - دەنساۋلىعىڭىز مىقتى بولىپ، قارجىلىق جاعدايىڭىز تۇراقتالادى.

تۇستە ءسابي كورۋ - قانداي دا ءبىر وقيعانىڭ بەلگىسى. سوندىقتان، ءتۇستى دۇرىس جورۋ ءۇشىن، تۇسىڭىزدە ءسابيدى قالاي كورگەنىڭىزدى ۇمىتپاعان ءجون.

ال ۇيقىدان ويانعاننان كەيىن ءتۇرلى ءتۇس جورۋشىلاردىڭ بولجامىن وقۋدى ۇمىتپاڭىز ءارى ول ومىڭىزدەگى قيىندىقتاردىڭ نەمەسە كەرىسىنشە جاقسىلىقتىڭ بەلگىسى ەكەنىن ەستەن شىعارماڭىز.

nur.kz

جاڭالىقتار