ءسابيت شونتاقبايەۆتىڭ بۇعان دەيىن تاعى ءبىر قىزدى قۇتقارعانى بەلگىلى بولدى
ول وسىدان ون شاقتى جىل بۇرىن تاعى ءبىر قىزدى قۇتقارىپ قالعان ەكەن. ودان بولەك جەكە ءومىرى، وتباسى، اسكەري بورىشىن وتەگەن جىلدارىن ەسكە الدى.
«2009 -جىلى جول بويىندا جۇمىس ىستەيتىنمىن. جاعاجايعا سۋعا تۇسۋگە باردىم. سول كەزدە ءبىر قىز سۋعا كىرىپ، شىعىپ جاتتى. مەن ونىڭ جۇزە الماي جاتقانىن ءتۇسىنىپ، وعان تۇرا ۇمتىلدىم. سۋدان الىپ شىقتىم. سۋعا تۇسە المايدى ەكەن. ول كەزدە دە العىسىن ايتتى. ول كەزدە قازىرگىدەي جەلىنىڭ دامىماعان كەزى. تەلەفون جوق. كامەراعا ەشكىم تۇسىرگەن جوق. قازىرگىدەي كەز ەمەس. سوندىقتان قازىرگىدەي شۋ بولعان جوق. ول قىز دا راحمەتىن ايتىپ كەتىپ قالدى»، - دەدى شونتاقبايەۆ اتامەكەن بيزنەس جاڭالىقتارى ارناسىنىڭ Bosat پودكاستىندا بەرگەن سۇحباتىندا.
ءسابيت مىرزا 2003 -جىلى اسكەري بورىشىن وتەپ كەلگەن سوڭ وتاۋ قۇرعان.
«مەكتەپتە وقىپ جۇرگەندە ايەلىمە حات جازدىم. ول مەنەن ەكى جاس كىشى بولدى. سىرتتاي ۇناتىپ ءجۇردىم. 14-اقپان كۇنى حات جازىپ، سەزىمىمدى ءبىلدىردىم. كەشكىسىن ۇيىنە باردىم. سولاي كەزدەسىپ جۇردىك. ول كەزدە ايەلىم 9-سىنىپ وقيدى. مەكتەپ بىتىرگەن سوڭ مەن اسكەرگە كەتتىم. اسكەردە ءتۇرلى جاعداي بولدى. بىرەۋدەن تاياق جەيسىڭ. ءتارتىپ دەگەن بارلىق جەردە بار. سوعان باعىناسىڭ. كەلگەن سوڭ 23 جاسىمدا ۇيلەندىم. مەنى ەكى جىل كۇتتى. ەرتە ۇيلەندىم دەپ ويلامايمىن. ناعىز ۇيلەنەتىن شاقتا ۇيلەندىم»، - دەدى ول.
ايتۋىنشا، قازىر ۇلكەن ۇلى 13 جاستا. وزىمەن سىرلاس. ەرتە ۇيلەنسەڭ، بالاڭ وزىڭمەن بىرگە وسەدى دەيدى ول.
«قازىر بالاممەن اشىق سويلەسەمىن. « قىزىڭ بار ما؟ « دەپ سۇرايمىن. بالام دا، قىزىم دا ونەرگە جاقىن. ەكىنشى بالام وقىمىستى. ەرتە ۇيلەنگەننىڭ كەمشىلىگى جوق. ايەلىڭمەن ۇرىساتىن كەزدەر بولادى، ءبىراق ايەلگە قول كوتەرۋدىڭ كەرەگى جوق. دالاعا شىعىپ كەت. ۇيىقتاپ تۇر. ەرتەسى اشۋ باسىلعان سوڭ سويلەس. ونىكى دۇرىس بولماعانىن ايت، نە ءوزىڭنىڭ دۇرىس ىستەمەگەنىڭدى ايت. «كۇنىم، بوتام» دەي سالساڭ بولدى عوي. «جىلى، جىلى سويلەسەڭ، جىلان ىنىنەن شىعادى» دەگەن. «باس ەكەۋ بولماي، مال تورتەۋ بولمايدى» دەيدى. اۋىلدىڭ بالاسىمىز. قازاق بەكەر ايتپايدى. سولاي ءومىر ءسۇرىپ جاتىرمىز»، - دەدى ءسابيت.
ەسكە سالساق، ءسابيت شونتاقبايەۆ 11-مامىر كۇنى دوسى ساعي جىلقىشيەۆپەن بىرگە سەگىزىنشى قاباتتىڭ بالكونىندا ءىلىنىپ تۇرعان ءۇش جاسار قىزدى قۇتقاردى. وسىدان سوڭ وتاندىق قۇرىلىس كومپانياسى شونتاقبايەۆقا ءۇش بولمەلى پاتەر سىيلادى. نۇر- سۇلتان اكىمى ءسابيت شونتاقبايەۆقا نەسيە الۋعا جانە جۇمىسقا تۇرۋعا كومەك بەرىلەتىنىن ايتقان ەدى. سونداي- اق ءسابيت شونتاقبايەۆ پەن ساعي جىلقىشيەۆتى ەرلىكتەرىنەن كەيىن توتەنشە جاعدايلار مينيسترلىگى ارنايى ماراپاتپەن ماراپاتتادى. كەيىن ساعي جىلقىشيەۆكە دە ەكى بولمەلى پاتەر تارتۋ ەتىلدى. قىزىلوردالىق كاسىپكەر ءسابيت شونتاقبايەۆتىڭ اتا- اناسىنا ءبىر ميلليون تەڭگە تابىستادى.