قاسىم- جومارت توقايەۆ ا ق ش پرەزيدەنتىنە كوڭىل ايتۋ جەدەلحاتىن جولدادى
25 مامىر 16:52

قاسىم- جومارت توقايەۆ ا ق ش پرەزيدەنتىنە كوڭىل ايتۋ جەدەلحاتىن جولدادى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ امەريكا قۇراما شتاتتارىنىڭ پرەزيدەنتى دجوزەف بايدەنگە تەحاس شتاتىنداعى باستاۋىش مەكتەپتە اتىس سالدارىنان وقۋشىلار مەن باسقا دا ازاماتتاردىڭ قازا بولۋىنا بايلانىستى كوڭىل ايتۋ جەدەلحاتىن جولدادى.

قازاقپارات بۇل تۋرالى اقورداعا سىلتەمە جاساپ حابارلايدى.

«قازاقستان حالقىنىڭ جانە جەكە ءوز اتىمنان قازا تاپقانداردىڭ وتباسىلارىنا شىن جۇرەكتەن كوڭىل ايتامىن جانە زارداپ شەككەندەردىڭ تەزىرەك ساۋىعىپ كەتۋىنە تىلەكتەسپىن. مەن تەحاستىقتاردىڭ جانە ءسىزدىڭ بارلىق وتانداسىڭىزدىڭ قايعىسىنا ورتاقتاسامىن»، - دەلىنگەن قازاقستان پرەزيدەنتىنىڭ جەدەلحاتىندا.

ايتا كەتەيىك، قايعىلى وقيعا تەحاس شتاتىنىڭ ۋۆالدە قالاسىنداعى روبب باستاۋىش مەكتەبىندە بولعان.


جاڭالىقتار