استانادا وقۋشىلارعا ارنالعان قوسىمشا ءبىلىم ورتالىعى اشىلادى
«بالالارعا قوسىمشا ءبىلىم بەرۋ بويىنشا جەكە ينۆەستوردىڭ ەسەبىنەن وقۋشىلار سارايىن سالىپ جاتىرمىز. 1-ماۋسىم - بالالاردى قورعاۋ مەرەكەسى «ءبىلىم پارك» قوسىمشا ءبىلىم ورتالىعى اشىلادى. ول جەردە 1,5 مىڭنان استام بالا قوسىمشا ءبىلىم الادى. ونىڭ ىشىندە ماتەماتيكا، فيزيكادان قوسىمشا ساباق، كومپيۋتەرلىك ساۋات، مۋزىكا جانە باسقا دا ۇيىرمەلەر ۇيىمداستىرىلادى. سونىمەن قاتار بيىل ەلورادادا اۋتيزم ورتالىعى اشىلادى. ورتالىقتان ەرەكشە كۇتىمدى تالاپ ەتەتىن بالالارعا بار جاعداي جاسالادى»، - دەدى التاي كولگىنوۆ قالالىق ءماسليحاتتىڭ 25-كەزەكتەن تىس سەسسياسىندا.
سونداي- اق، قالا باسشىسى استانالىق پەداگوگتاردىڭ جاعدايىنا توقتالىپ ءوتتى.
«بيىل پەداگوگيكا ماماندىعىنا وقۋعا تۇسۋگە نيەتتى تۇلەكتەر ءۇشىن 1400 گرانت بولەمىز. بالاعا بەرىلەتىن ءبىلىمنىڭ ساپاسىن ارتتىرامىز دەسەك، پەداگوگتاردىڭ دا جاعدايىن ۇمىتپاۋىمىز كەرەك. بۇگىن تاڭەرتەڭ استانالىق مۇعالىمدەردىڭ قاتىسۋىمەن «ۇستازدار اللەياسىنىڭ» اشىلۋىنا قاتىستىم. بيىل ەلوردالىق وقۋشىلار ءتۇرلى وليمپيادادان 99 مەدال اكەلدى. سونىڭ ىشىندە 24 ءى - التىن مەدال. بۇل - ۇستازداردىڭ ەڭبەگى»، - دەيدى ول.
بۇعان دەيىن حابارلاعانىمىزداي، ەلوردادا ءۇش اۋىسىمدى مەكتەپتەردىڭ سانى 2 ەسە ازايعان.