جەردى قايتارىپ الۋ وڭاي شارۋا ەمەس، ول ءۇشىن جەردىڭ يەسىن سوتقا بەرۋگە تۋرا كەلەدى – ا ش م
بۇل تۋرالى ق ر اۋىل شارۋاشىلىعى ۆيتسە- ءمينيسترى ءابىلحايىر تامابەك ايتتى، دەپ حابارلايدى قازاقپارات ءتىلشىسى.
«مينيسترلىكتىڭ 2021 -جىلعى 26- شىلدەدەگى №223 بۇيرىعىمەن «جاپپاي قاۋىپ» ۇعىمىن ايقىنداۋ جونىندەگى ۇسىنىمدار بەكىتىلدى. ال 2022 -جىلعى 4 -مامىرداعى №139 بۇيرىققا سايكەس، «جاپپاي قاۋىپ» اياسىندا جالپى الاڭى 5,8 ميلليون گەكتاردى قۇرايتىن 1901 شاعىن كاسىپكەرلىك سۋبەكتىسىنە قاتىستى جوسپاردان تىس تەكسەرۋ جۇرگىزىلىپ جاتىر»، - دەدى ءابىلحايىر تامابەك ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ۆيتسە- ءمينيستردىڭ اتاپ وتۋىنشە، جەر پايدالانۋشىلاردى ەكونوميكالىق ماجبۇرلەۋگە جاعداي جاساۋ ءۇشىن پايدالانىلمايتىن اۋىل شارۋاشىلىعى جەرلەرىنە سالىق ستاۆكاسى 10 ەسەدەن 20 ەسەگە ۇلعايتىلدى.
«جوعارىدا اتالعان شارالاردى ەسكەرە وتىرىپ، بيىل 5 ميلليون گەكتار پايدالانىلمايتىن اۋىل شارۋاشىلىعى جەرىن مەملەكەتكە قايتارۋدى جوسپارلاپ وتىرمىز. بۇل رەتتە پايدالانىلمايتىن جانە زاڭنامانى بۇزىپ بەرىلگەن جەرلەردى الىپ قويۋ - ءبىر كۇننىڭ جۇمىسى ەمەستىگىن اتاپ وتەمىن. ويتكەنى كونستيتۋتسيانىڭ جانە ازاماتتىق كودەكستىڭ نورمالارىنا سايكەس مەنشىك قۇقىعى قورعالعان. ال الىپ قويۋ پروتسەسى تەك سوت ارقىلى جۇزەگە اسادى»، - دەدى ول.
اۆتور: مارلان جيەمباي