ەكى بىردەي اتوم بومباسىنان امان قالعان ادام
«Mitsubishi» كومپانياسىنىڭ قىزمەتكەرى ول كەزدە جيىرما جاستا جانە ءومىرى باقىتقا تولى ەدى. ءبىراق 6 -تامىز كۇنى ساعات 8 دەن 15 مينۋت كەتكەن كەزدە ءبارى وزگەرىپ سالا بەردى. سەبەبى ا ق ش بومبىلاۋشى ۇشاعى اتالعان قالاعا «بالاقاي» دەپ ات قويعان بومباسىن تاستادى. ال ياماگۋچي بومبا تۇسكەن وشاقتان ءۇش- اق كيلومەتر قاشىقتىقتا بولعان. دەنەسىن كۇيىك شالىپ، كوز جانارىنان ايرىلادى. بومبا تۇسكەن قالادان سۋتومۋ ياماگۋچي تەك ەرتەسى كۇنى عانا قۇتىلىپ شىقتى. ءبىراق ءبىر كۇن ىشىندەگى رادياتسيادان ول كوپ جاراقات الادى. حيروسيمادان قاشىپ شىققان جاس جىگىت ءوزىنىڭ تۋعان قالاسىنا كەلىپ، بارلىعى بىتكەن بولار دەپ ويلايدى. ءبىراق ونىڭ تۋعان قالاسى ناگاساكي ەدى. ال ول ءوز قالاسىندا تاعى دا ءبىر اتوم بومباسىنىڭ زاردابىن كورەتىنىن سەزگەن جوق.. .
ياماگۋچي ۇيىنە سەگىزىنشى تامىز كۇنى جەتەدى. ەرتەسى كۇنى ناگاساكي قالاسىنا «تومپاق» دەپ اتالاتىن بومبا اۋەدەن جەرگە قۇلايدى. بۇل كەزدە ياماگۋچي جۇمىستا ارىپتەستەرىنە وسىعان دەيىن كورگەن زاردابىن ايتىپ اڭگىمەلەپ جاتقان بولاتىن. قىزمەت ورنى بومبا تۇسكەن جەردەن تاعى دا الىس بولماي شىقتى. قۋانىشقا وراي ول بۇل جولى دا امان قالدى. ءبىراق بۇل جولعى بومبادان رادياتسيانىڭ تاعى ءبىر ءتۇرىن باستان كەشەدى. باعى بار ياماگۋچين فيزيكا زاڭدىلىقتارىنا قارسى تۇرا بىلگەن، اتوم بومباسىنان امان قالعان بىردەن- ءبىر ادام.
اقپارات كوزدەرىنە ساي حيروسيما مەن ناگاساكي قالالارىنا تۇسكەن بومبادان 200 مىڭنان استام ادام قازا تاپقان. ال وسىنشا ادامنىڭ ءومىرىن جالماعان جالماۋىز ءبىر ادامنىڭ ءومىرىن الا الماعانى ءالى كۇنگە دەيىن جۇمباق. ەڭ قىزىعى ياماگۋچي 2010 -جىلى 94 جاسقا كەلىپ قايتىس بولعان.
ورىستار ياماگۋچيدى «يا موگۋچي» دەپ اتاپ كەتكەن. 2009 -جىلى سۋتومۋ ياماگۋچيگە ەكى بىردەي اتوم بومباسىنان امان قالعان ادام دەپ سەرتيفيكات بەرىلدى. ەلىمىزدە اتوم بومباسىن سىناۋ 1949 -جىلى تامىزدا سەمەي قالاسىندا ورىن العانى ەسىڭىزدە بولار.
Massaget.kz