نۇر- سۇلتاندا سولتۇستىك اينالما جول ۋاقىتشا جابىلدى

نۇر- سۇلتان. قازاقپارات - نۇر- سۇلتان قالاسىنىڭ سولتۇستىك- باتىس اينالما جولىنىڭ ۋچاسكەسىندە جوندەۋ جۇمىستارىنا بايلانىستى كولىك قوزعالىسى ۋاقىتشا توقتادى، دەپ حابارلايدى قازاقپارات.

پوليتسيا دەپارتامەنتى ترانزيتتىك كولىك پەن جۇك كولىگىنىڭ جۇرگىزۋشىلەرىنە ۇلكەن اينالما جول ۋچاسكەسى ارقىلى رۇقسات ەتىلگەن باعىتتاردى كورسەتەتىن اقپاراتتىق تاقتالاردى باسشىلىققا الۋدى ۇسىنادى. سونداي- اق، «ءوندىرىس» تۇرعىن ءۇي ماسسيۆىنىڭ جولدارىندا اپاتتى جاعداي جانە كەپتەلىس بولماس ءۇشىن «سەرگەك» كامەرالارىن ورناتۋ ارقىلى جۇك كولىگىنىڭ قوزعالىسى شەكتەلدى. ءتارتىپ ساقشىلارى ەكى جولاقتى جولدار جۇك كولىگى تاسىمالىنىڭ قارقىندى جۇرۋىنە ارنالماعانىن ەسكە سالادى.

بۇدان باسقا، حالقى 32 مىڭنان اساتىن «ءوندىرىس» تۇرعىن الابى - ونەركاسىپتىك ايماق ەمەس. ترانزيت كولىك سانىنىڭ كوپتىگىنە بايلانىستى تۇرعىنداردان ماسسيۆ اۋماعىنداعى جول قاۋىپسىزدىگى ەرەجەلەرىن بۇزۋ بويىنشا قالا جانە اۋدان اكىمدىگىنە تۇراقتى شاعىم ءتۇسىپ جاتىر. ايتا كەتۋ كەرەك، مامىر ايىندا سۋسامىر كوشەسىندە «گازەل» اۆتوكولىگى بالانى قاعىپ كەتكەن، وقيعا ورنىندا العان جاراقاتىنان بالا كوز جۇمدى. قالامەن بايلانىستىراتىن نەگىزگى ەكى جولاقتى جول - مالاحوۆ كوشەسى. وندا رەسپۋبليكالىق ماڭىزى بار ءۇش تەمىرجول وتكەلى ورنالاسقان، وسى وتكەلدە كولىك جۇكتەمەسىنىڭ دەڭگەيى رۇقسات ەتىلگەن نورمادان اسادى. جول ءجۇرىسى قاعيدالارى 1-قوسىمشا 3- ءبولىمىنىڭ تالاپتارىنا سايكەس «جۇك اۆتوموبيلدەرىنىڭ جۇرۋىنە تىيىم سالىنادى» 3.4 جول بەلگىسىنىڭ كۇشى بەلگىلەنگەن ايماقتا ورنالاسقان كاسىپورىندارعا، سونداي- اق ازاماتتارعا قىزمەت كورسەتەتىن نەمەسە بەلگىلەنگەن ايماقتا تۇراتىن نەمەسە جۇمىس ىستەيتىن ازاماتتارعا تيەسىلى كولىك قۇرالدارىنا قولدانىلمايدى.

سونداي- اق، اتالعان تۇرعىن ءۇي الابىنىڭ تىرشىلىگىن قامتاماسىز ەتۋ ءۇشىن جۇك كولىگىنىڭ قوزعالىسى كوزدەلگەن. بۇل شارالار ۋاقىتشا جانە اينالما جولداعى جوندەۋ جۇمىستارى اياقتالعاننان كەيىن جول قوزعالىسىن ۇيىمداستىرۋ وزگەرتىلەدى. ەلوردالىق پ د اكىمشىلىك پوليتسيا باسقارماسى جۇك كولىكتەرىنىڭ جۇرگىزۋشىلەرىنەن اتالعان وزگەرىستەردى نازارعا الۋدى جانە تۇسىنىستىكپەن قاراۋدى سۇرايدى. جول قوزعالىسىنا قاتىستى بۇكىل سۇراقتار مەن ۇسىنىستار بويىنشا، سونداي- اق اكىمشىلىك ايىپپۇلمەن كەلىسپەگەن جاعدايدا نۇر- سۇلتان قالاسى پ د اكىمشىلىك پوليتسيا باسقارماسىنا 756775، 716977، 87052958620 تەلەفوندارى ارقىلى جۇگىنۋگە بولادى.